1 Musa 27:1 - Mandinka Bible

¹ Kabiriŋ Isiyaaka kotoota, a ñaa mutata le, fo a buka jeroo ke noo. A ye a dinkee keebaa Esawu kumandi, a ko a ye ko, “N diŋo!” Esawu ko a ye ko, “M fele jaŋ!”

1 Musa 27:1 ပူးပေါင်းရင်းမြစ်များ

1 Musa 48:10

Saayiŋ Isirayila ñaalu ka dibi a ma le keebaayaa kamma la, a buka jeroo ke noo baake. Wo le to Yusufa ye ì samba naŋ a daala, a ye i miniŋ ì la, a ye ì sumbu.

1 Samuweli 3:2

Suuto kiliŋ Eli meŋ ñaalu lafita ka dibi, be laariŋ nuŋ a la dulaa kiliŋo to.

Yohana 9:3

Bituŋ Yeesu ye ì jaabi ko, “A maŋ ke ko, ñiŋ kewo waraŋ a wuluulaalu le ye junuboo ke, bari ñiŋ keta le, fo Alla la dookuwo si je noo a la kuwo to.

Kawandilaa 12:3

I hakiloo ye bula a la, janniŋ waatoo ka sii, waatoo meŋ, bundaa kantalaalu be jarajara la, kee bambandiŋolu koo be ŋoobi la, tuurilaalu be tuuroo bula la, kaatu dantaŋ doroŋ ne be tara la ì kono, waatoo meŋ, palanteeri yoofiirilaalu la jeroo be dibi la.

1 Musa 25:33

Yaakuba ko a ye ko, “I kali n ye foloo.” Wo le to a ye i kali a ye, a ye a la diŋ folooyaa makaamoo waafi Yaakuba ma.

5 Musa 34:7

Musa siyo be nuŋ sanji keme, sanji muwaŋ biriŋ a be bele la, a ñaa maŋ muta, aduŋ a jaatoo be bambandiŋ a ñaama.

1 Mansoolu 14:4

Bituŋ Yerobowamu ye meŋ fo, a la musoo ye wo le ke, aduŋ a taata Annabilayi Ahiya la buŋo to Silo saatewo to. Saayiŋ Ahiya buka jeroo ke noo, kaatu a ñaalu maŋ diyaa kotoo kamma la.