1 Musa 26:34 - Mandinka Bible

³⁴ Esawu siyo ye sanji taŋ naani sii waatoo meŋ na le mu, a ye Beeri Hitinkoo, dimmusoo Yudita futuu, aniŋ Basemati, Eloni Hitinkoo dimmusoo.

1 Musa 26:34 ပူးပေါင်းရင်းမြစ်များ

1 Musa 36:2

Esawu meŋ ye Kanaaninka musoolu futuu: Ada, Eloni Hitinkoo dimmusoo, Oholibama, Ana dimmusoo, Siboni Hiwinkoo mamariŋo,

2 Musa 34:16

Niŋ ali ye ì dimmusu doolu tomboŋ ka ì ke ali dinkewolu la musoolu ti, wo dimmusoolu naata cakayaa maañaa ke, ka ì la jalaŋolu batu, ì be ali dinkewolu dundi la wo kuu kiliŋo le kono.

1 Musa 36:13

Reweli dinkewolu, wolu le mu Nahati ti, Sera, Samma, aniŋ Misa. Ñinnu le mu Esawu la musoo Basemati mamariŋolu ti.

1 Musa 36:5

bituŋ Oholibama ye Yewusi, Yalamu aniŋ Kora wuluu a la. Ñinnu le mu Esawu dinkewolu ti, a ye mennu wuluu Kanaani bankoo kaŋ.

1 Musa 28:9

Bituŋ a taata Isimayila yaa, a ye Mahalati futuu, Iburayima mamariŋ musoo, meŋ mu Isimayila dimmusoo ti, Nebayoti baarimmusoo, ka a laa a la wo musu doolu kaŋ.

1 Musa 24:3

ŋa i kalindi Yaawe la, saŋo niŋ bankoo Maarii ko, i te musoo ñini la n dinkewo ye ka bo Kanaaninkoolu dimmusoolu kono, n niŋ mennu be siiriŋ.

Hiburunkoolu 12:16

Ali ali hakiloo tu, fo moo kana ke laañooyaa tulunnaa ti ali kono, waraŋ allantaŋo ko Esawu meŋ ye a la dinkee folooyaa makaamoo waafi domori booli kiliŋ na.

1 Korintinkoolu 7:2

Wo ñaa-wo-ñaa, laañooyaa tuluŋo la marisa kuwolu kamma la, kee-wo-kee si a fansuŋ musoo soto, a ye meŋ futuu, aduŋ musu-wo-musu si a fansuŋ kewo soto.

1 Musa 27:46

Bituŋ Rebeka ko Isiyaaka ye ko, “M bataata Esawu la Hitinka musoolu la kuwo la le. Niŋ Yaakuba fanaa ye musoo ñini ñiŋ Hitinka sunkutoolu kono, wo to saayaa le be fisiyaa la n ye wo ti.”

1 Musa 28:8

Esawu ye a je le ko, Kanaani musoolu la kuwo maŋ diyaa a faamaa Isiyaaka ye.

1 Samuweli 26:6

Dawuda naata Ahimeleki Hitinkoo niŋ Abisayi meŋ baamaa mu Seruya ti, Yowabu kotoomaa, ñininkaa ko, “Jumaa le niŋ m be taa ñoo la Sawulu yaa daakaa to?” Abisayi ko a ye ko, “Nte niŋ i be taa ñoo la le.”