1 Musa 2:5 - Mandinka Bible

⁵ fiifeŋ maŋ soto bankoo kaŋ ka faliŋ duniyaa kono. Yaawe Alla maŋ samaajiyo jindi naŋ duniyaa kono foloo. Hadamadiŋolu maŋ soto foloo ka senoo ke bankoo kaŋ.

1 Musa 2:5 ပူးပေါင်းရင်းမြစ်များ

1 Musa 3:23

Wo kamma la Yaawe Alla ye a bayi ka bo Edeni naakoo kono ka taa senoo la bankoo kaŋ, ate faŋo bota meŋ bala.

Hiburunkoolu 6:7

Kaatu samaa ka siyaa bankoo meŋ kaŋ baake, a ka jiyo suusuu le, aniŋ a ka fiifeŋolu falindi moolu ye, a seneta mennu la kuwo kamma la, Alla ka neema wo bankoo ma le.

Yuuba 5:10

Ate le ka jiyo jindi bankoo kaŋ, ate le ka kunkoolu jiiboŋ.

1 Musa 4:12

Niŋ i ye senoo ke bankoo kaŋ, a senefeŋolu te beteyaa la i ye kotenke. I be tu la yaayoo le la duniyaa kono ka ke tumarankewo ti.”

1 Musa 4:2

A la wuluu koteŋo, wo le keta Haabiila ti, Kaabiila doomaa. Haabiila, ate keta saajii kantalaa le ti, bituŋ Kaabiila, wo keta senelaa le ti.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Jabuuroolu 135:7

Ate le ka tawaloolu ke santo duniyaa daŋolu to, a ka saŋ ŋalasoo ke samaajiyo ye, aduŋ a ka foñoo bondi naŋ a la foñobuŋolu le kono.

Jabuuroolu 104:14

Ite le ka ñaamoo falindi beeyaŋolu ye, aniŋ fiifeŋolu, hadamadiŋolu ye, ñiŋ kamma la ì si domoroo soto ka bo bankoo to:

Matiyu 5:45

Ka bo niŋ wo siloo la, ali si naa ke ali Faamaa diŋolu ti, meŋ be Arijana. A ka a la tiloo mala moo jawoolu niŋ moo betoolu kaŋ ne, aduŋ a ka samaa jindi tilindiŋolu niŋ tilimbaloolu bee le kaŋ.

1 Musa 2:6

Bari jiyo fintita naŋ bankoo kono le, a bolondimmaa, a woyita bankoo bee kaŋ.

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yeremiya 10:13

Niŋ a kumata, jii jamaa le ka bumbuŋ saŋ fatoolu kono, a ka tawaloolu wulindi ka bo duniyaa daŋolu bee to. A ka saŋ ŋalasoo niŋ samaajiyo le jindi, a ye foñoo fee naŋ ka bo a la foñobuŋolu kono.