1 Musa 2:24 - Mandinka Bible

²⁴ Wo kamma la, kewo ka a baa niŋ a faa bula jee le, a niŋ a la musoo ye naki ñoo la, ì ye ke balajaata kiliŋ ti.

1 Musa 2:24 ပူးပေါင်းရင်းမြစ်များ

Roomankoolu 7:2

Wo ñaa kiliŋo le la, luwaa ye musu futuuriŋo muta le ko, a te a keemaa bula noo la tumoo meŋ na, a keemaa be baluuriŋ. Bari niŋ a keemaa naata faa, luwaa ye a firiŋ ne.

Kuma Kotoomaalu 31:10

Jumaa le si musu kendoo soto noo? Musu kendoo le jarita ka tambi luuluwo la.

Kuma Kotoomaalu 12:4

Musoo meŋ ye daajika kendoo soto, a mu kewo ye sapuraŋo le ti, bari musu malubaloo ka muluŋ a fee le ko kuuraŋ jawoo a balajaatoo kono.

Jabuuroolu 45:10

Muna dimmusuriŋ, i tuloo loo, i ye i lamoyi n na. I hakiloo bo i la moolu kaŋ, aniŋ i faa suwo.

1 Timoti 5:14

Wo le ye a tinna n lafita, furuyaamusu dindiŋolu ye futuu, ì si diŋolu wuluu, ì ye ì la suwo kono topatoo, ì kana siloo dii ǹ jawoolu la ka kuma jawoo fo m̀ ma.

5 Musa 10:20

Ali si Yaawe ñaasilaŋo soto, ali la Alla, ali ye a batu. Ali si i deŋ a la, aduŋ ali si i kali a doroŋ too la.

5 Musa 4:4

Bari alitolu mennu laata Yaawe la, a fele ali be baluuriŋ hani bii.

Kiilaalu 11:23

Biriŋ a naata, a ye Alla la hiinoo je, a seewoota. Bituŋ a ye ì bee yaamari ka tu tilindiŋ Maariyo ye ì sondomoolu bee la.

Yosuwa 23:8

Bari ali si i deŋ Yaawe ali la Alla doroŋ na, ko ali be a kaŋ nuŋ ñaameŋ, ka naa bula bii tiloo la.

1 Musa 4:19

Lameki ye musu fula le soto, doo too mu Ada le ti, doo too Silla.

Kuma Kotoomaalu 2:17

A ye a fansuŋ kee bula jee le, a ye a ñaa kaasi ì la futuu kambeŋo la, a ye meŋ ke Alla ñaatiliŋo la.

1 Samuweli 25:43

Dawuda ye Ahinowamu, meŋ bota Yesireeli, fanaa futuu le, aduŋ ì bee keta a la musoolu le ti.