1 Musa 2:22 - Mandinka Bible

²² Yaawe Alla ye karakuloo meŋ bondi Adama bala, a ye wo le daa musoo ti. A ye a samba naŋ Adama ye.

1 Musa 2:22 ပူးပေါင်းရင်းမြစ်များ

1 Timoti 2:13

Kaatu Adama le foloo daata nuŋ, wo koolaa Hawa.

Hiburunkoolu 13:4

Futuwo si buuñaa alitolu bee kono, aduŋ futuu laaraŋo si seneyaa futuuñoomaalu teema. Alla le be laañooyaa tulunnaalu niŋ jeenelaalu kiitindi la.

Kuma Kotoomaalu 19:14

Buŋolu niŋ naafuloo ka keetaa wuluulaalu le bulu, bari musoo meŋ ka a kekuwo loŋ, wo ka bo Yaawe le bulu.

Kuma Kotoomaalu 18:22

Musu sotoo mu kewo fee kuu kendoo le ti, aduŋ a ka maakoyiroo soto Yaawe bulu le.

1 Musa 2:19

Bituŋ Yaawe Alla ye wulakono daafeŋolu bee daa ka bo niŋ bankoo la, aniŋ kunoolu bee. Bituŋ a ye ì samba Adama yaa ka a je, a be too siifaa meŋ dii la ì la. Niŋ Adama ye ñiŋ daafeŋ-wo-daafeŋ kumandi too meŋ na, wo le be ke la a too ti.

Jabuuroolu 127:1

Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.