1 Musa 2:1 - Mandinka Bible

¹ Bituŋ saŋo niŋ bankoo banta daa la, ì niŋ ì konokono feŋolu bee.

1 Musa 2:1 ပူးပေါင်းရင်းမြစ်များ

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

2 Musa 31:17

A be ke la taamanseeri le ti meŋ be tara la n niŋ Banisirayilankoolu teema fo abadaa. Kaatu ŋa saŋo niŋ bankoo daa tili wooro le, aduŋ tili woorowulanjaŋ luŋo la, m maŋ daaroo ke, ŋa n dahaa le.

2 Musa 20:11

Nte Yaawe ye saŋo niŋ bankoo, baa aniŋ a konokono feŋolu bee daa tili wooro le kono, bari tili woorowulanjaŋ luŋo la, ŋa n dahaa le. Wo kamma la, nte Yaawe ye neemoo jindi Loobula Luŋo la, ŋa a luŋo buuñaa fanaa.

1 Musa 1:1

Foloo-foloo Alla ye saŋo aniŋ bankoo daa.

Yesaya 45:18

Yaawe le ye saŋ fatoolu daa. Ate dammaa le mu Alla ti. A ye duniyaa daa, a ye muluŋo ke a la, a ye a londi kuu. A maŋ a tu kenseŋyaariŋ, bari a ye a ke moolu ye sabatidulaa le ti. Ate le ko, “Nte mu Yaawe le ti, aduŋ alla koteŋ te jee.

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko:

2 Mansoolu 19:15

Wo le to Hesekiya duwaata Yaawe ñaatiliŋo la ka a fo ko, “M Maarii Yaawe, Banisirayila la Alla, meŋ be sabatiriŋ kerubu malaayikoolu* teema, ite doroŋ ne mu Alla ti duniyaa mansamarali bankoolu bee kaŋ. Ite le ye saŋo niŋ bankoo daa.

Yesaya 45:12

Nte le ye duniyaa daa, ŋa hadamadiŋo naati a kono. M faŋo buloo le ye saŋ fatoolu waree, ŋa malafeŋolu ke ì la palaasoolu to.

Jabuuroolu 146:6

Ate le ye saŋo niŋ bankoo daa, aniŋ fankaasoo, ka taa feŋolu mennu bee be ì kono, aduŋ a ka tu tilindiŋ a la laahidoolu kaŋ ne fo abadaa.

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Jabuuroolu 33:9

Kabiriŋ a kumata, duniyaa daata, a ye yaamaroo dii, feŋo bee fintita.

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

2 Taarika 2:12

Hiramu tententa ka a fo ko: “Tentoo be Yaawe ye, Banisirayila la Alla, meŋ ye saŋo niŋ bankoo daa, meŋ ye dinkee ñaamendiŋo dii Mansa Dawuda la, meŋ ye kuwolu keñaalu loŋ, a ye fahaamuroo soto, meŋ be batudulaa loo la Yaawe ye, aniŋ ka mansasuwo loo a faŋo ye.

Hiburunkoolu 4:3

Bari ntolu mennu laata, m̀ be duŋ na wo dahaa kono le. Tooñaa, Alla ye ñiŋ fo le nuŋ ko, “Bituŋ n kamfaariŋo kalita ì ye ko, ì nene te duŋ na n na dahaa kono.” A naata ñiŋ kumoo le fo, hani a la dookuwo tarata pareeriŋ ne biriŋ duniyaa daa waatoo la.

Kiilaalu 4:24

Kabiriŋ ñiŋ kafoo ye ñiŋ moyi, ì ye ì kaŋolu wulindi Alla ye ŋaniya kiliŋo kono ko: “ ‘Maariyo, Alla! Ite le ye saŋo niŋ bankoo daa, aniŋ fankaasoo, ka taa feŋolu mennu bee be ì kono.’

Yeremiya 10:16

Bari Yaawe te wo ñaama, Yaakuba la Alla, kaatu ate le mu feŋo bee Daamansoo ti, a ye Isirayila ke a la keetaafeŋo ti. A too mu Yaawe Alihawaa Maariyo* le ti.

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yesaya 65:17

“A juubee, m be saŋ kutoo niŋ banku kutoo le daa la. Hakili te bula la folooto kuwolu la, sako moo ka i miira ì la.

Yesaya 48:13

M faŋo le ye duniyaa fondamaŋo laa, m bulubaa buloo ye saŋ fatoolu waree. Niŋ ŋa ì kumandi, ì ka i danku m ma le.

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

1 Musa 2:4

Ñiŋ ne keta saŋo niŋ bankoo la taarikoo ti, kabiriŋ Alla ye ì daa. Kabiriŋ Yaawe* Alla ye saŋo niŋ bankoo daa,

1 Musa 1:10

Alla ye dulaa jaaroo kumandi bankoo la. Bituŋ jiyolu mennu kafuta ñoo ma, a ye wolu kumandi fankaasoolu la. Alla ye a je ko, a beteyaata le.

5 Musa 17:3

A sujudita alla koteŋolu ye, tiloo, karoo waraŋ looloolu ka ì batu, Yaawe ye m̀ bali meŋ na.

Yeremiya 8:2

Ì be kuloolu janjaŋ na tiloo la le, kari maloo, aniŋ looloolu bee ye. Ì ye wolu le kanu, ka dookuwo ke ì ye, ka bula ì nooma, ka ì la kuwo ñini, aniŋ ka ì batu. Ì te kafu la ñoo ma, sako ka baadee. Ì jambandimaa be tu la laariŋ bankoo to wo le ñaama.

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Yuuba 12:9

Wolu bee ye a loŋ ne ko, Yaawe* le mu ì Daamansoo ti.

Kiilaalu 7:42

Wo kamma la Alla ye a koo dii ì la, a ye ì bula ka saŋo santo malafeŋolu batu, ko a be safeeriŋ annabiyomoolu la kitaaboo kono ñaameŋ: ‘Alitolu Banisirayilankoolu, ali ye sanji taŋ naanoo meŋ ke keñewuloo kono, fo ali ye beeyaŋ sadaa* waraŋ siimaŋ sadaa naati nte le ye baŋ?

Luka 2:13

Jee niŋ jee, malaayika jamaa naata kafu wo malaayikoo fee. Ì be Alla jayi kaŋ ko:

Yesaya 34:4

Saŋo santo malafeŋolu si yooyi, saŋ fatoo si moromoro, looloolu bee si joloŋ, ko yiri jamba jaariŋo ka joloŋ ñaameŋ, ko sooto diŋ nororiŋo ka joloŋ ñaameŋ.

Jabuuroolu 104:2

I ye i faŋ murubeŋ niŋ mala baa le la. Ite le ye saŋ fatoolu wanka ko tiriliisoo*.