1 Musa 17:16 - Mandinka Bible

¹⁶ M be neema la a ma, m be dinkewo dii la i la ka bo niŋ ate la. M be neema la a ma, a ye naa ke lasiloolu baamaa ti, aniŋ mansoolu be bo la ate le koomalankoolu bala.”

1 Musa 17:16 ပူးပေါင်းရင်းမြစ်များ

1 Musa 35:11

Alla tententa ka a fo a ye ko, “Nte le mu Alla Tallaa ti. I be ke la jiidilaa le ti, i koomoo ye siyaa. Lasili jamaa le be bo la i bala, aduŋ mansoolu be bo la ite le bala.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

1 Musa 17:6

M be i koomoo siyandi la le famfaŋ, m be lasiloolu le bo la i bala, aduŋ mansoolu be bo la ite le bala.

1 Pita 3:6

Saara fanaa ye wo le ke, a ye Iburayima la yaamaroolu muta, aduŋ a ka a kumandi a maarii le la. Alitolu mu Saara dimmusoolu le ti, niŋ ali tententa kuu bete kewo la, ali kana sila feŋ-wo-feŋ na.

Roomankoolu 9:9

Kaatu Alla ye ñiŋ ne laahidi Iburayima ye nuŋ: “M be muru la i kaŋ naŋ ne jaari ñiŋ ñoŋ waatoo, aduŋ Saara be dinkewo soto la le.”

1 Musa 24:60

Bituŋ ì ye neemoo daani ì baarimmusu Rebeka ye, ì ko a ye ko, “Allamaa i koomoo yiriwaa la, fo i si naa ke moo wuliwuloolu baamaa ti. Allamaa i koomoo ke la ì jawoolu noolaa ti.”

1 Musa 12:2

M be i koomalankoolu siyandi la le, fo ì si ke banku sembemaa baa ti. M be neema la i ma, m be i ke la moo too boriŋ baa ti duniyaa kono, i be ke la neemoo moo ti.

1 Musa 1:28

Alla neemata ì ma, bituŋ a ko ì ye ko, “Ali ke jiidilaa ti, ali ye siyaa, ali ye duniyaa kono fandi, ali ye a mara. Ali baakono ñewolu mara, kunoolu, aniŋ niilamaa feŋ-wo-feŋ ka taama ñiŋ bankoo kaŋ.”

Kalatiyankoolu 4:23

Jommusoo dinkewo wuluuta ka bo niŋ hadamadiŋo la lafoo niŋ katoo le la, bari foroo dinkewo wuluuta ka bo niŋ laahidoo le la.

1 Musa 17:15

Alla ko Iburayima ye ko, “I la musoo Saarayi, kana a kumandi Saarayi la kotenke, a too ñanta ke la Saara le ti.

1 Musa 17:19

Alla ko a ye ko, “Hanii, i la musoo Saara be dinkewo le wuluu la i la, i si a toolaa Isiyaaka la. M be n na kambeŋo londi la n niŋ ate le teema, kambeŋo meŋ be tara la looriŋ fo abadaa, ka taa fo ate koolaa, mennu be bo la a bala.

1 Musa 21:1

Yaawe* neemata Saara ma, ko a ye a fo nuŋ ñaameŋ. A ye a laahidi meŋ na, a ye wo le ke a ye.

1 Musa 25:23

Yaawe ko a ye ko, “Lasili fula le be i wuluuñaŋo kono. Ñiŋ lasili fuloo be ke la balannaa le ti ñoo ma. Doo le semboo be wara la doo ti. Keebaamaa le be ke la dindimmaa ye dookuulaa ti.”

1 Musa 36:31

Janniŋ mansakee ka soto Banisirayila kono, ñiŋ mansoolu le tarata nuŋ maraloo la Edomu:

1 Musa 15:4

Bituŋ Yaawe la kumoo naata a kaŋ kotenke, ka a fo a ye ko, “Wo joŋo meŋ i ka a la kumoo fo, wo te ke la i keetaalaa ti. Moo meŋ be bo la i faŋo bala, wo le be ke la i keetaalaa ti.”