1 Musa 16:2 - Mandinka Bible

² Saarayi naata a fo Iburama ye ko, “A fele, Yaawe* ye nte ke musu jiidibaloo le ti. Wo to i si n na ñiŋ joŋ sunkutoo ke musoo ti. A si ke noo, ŋa diŋo soto ka bo niŋ ate la.” Bituŋ Iburama naata Saarayi la yaamaroo ñiŋ muta.

1 Musa 16:2 ပူးပေါင်းရင်းမြစ်များ

2 Musa 21:4

Niŋ a maarii ye musoo dii a la, aduŋ musoo ye diŋolu wuluu a ye, musoo niŋ diŋolu bee mu a maarii le taa ti, aduŋ ate dammaa le be taa la.

1 Musa 18:10

Bituŋ kiliŋo ko a ye ko, “M be muru la i kaŋ naŋ ne jaari ñiŋ ñoŋ waatoo. I la musoo Saara be dinkewo soto la.” A ye a tara Saara be looriŋ a kooma le tiriliisoo daa to, a be i lamoyi kaŋ.

1 Musa 3:17

A ko Adama ye ko, “I bulata i la musoo la kumakaŋo le nooma, i ye yiroo diŋo domo, ŋa meŋ domoo haraamuyandi i ma. Ñiŋ kuwo kamma la, i ye meŋ ke teŋ, m be dankoo le laa la bankoo kaŋ. Ŋaniŋolu niŋ ñaamoolu be faliŋ na a kaŋ, aduŋ i be dookuwo ke la le kendeke i la baluwo bee kono, ka i baluu a munafaŋo la.

Jabuuroolu 127:3

Diŋolu mu soorifeŋo le ti ka bo Yaawe bulu, ì mu a la jooroo le ti.

Ruti 4:11

Wo to le alifaalu aniŋ mennu bee be bendulaa to jee ko, “Ntolu mu seedoolu le ti. Allamaa Yaawe* ye ñiŋ musoo meŋ ka naa i la suwo kono ke ko Raheli niŋ Leya, mennu kafuriŋo ñoo ma ye Banisirayila buŋo loo. Allamaa i ye looraŋo soto Efurata* kaabiiloo kono aniŋ i too ye daraja Betilehemu.

1 Musa 30:22

Alla hakiloo bulata Raheli la, a ye a la duwaa jaabi, a ye a konoo yele.

1 Musa 25:21

Isiyaaka duwaata a la musoo ye Yaawe* ñaatiliŋo la, kaatu musu boorewo le mu. Bituŋ Yaawe ye a la duwaa jaabi. A la musoo Rebeka naata konoo taa.

1 Musa 17:16

M be neema la a ma, m be dinkewo dii la i la ka bo niŋ ate la. M be neema la a ma, a ye naa ke lasiloolu baamaa ti, aniŋ mansoolu be bo la ate le koomalankoolu bala.”

1 Musa 3:12

Adama ko a ye ko, “Musoo, i ye meŋ dii n na, n niŋ a ye tara ñoo kaŋ, wo le ye yiridiŋo ñiŋ dii n na. Bituŋ m fanaa ye a domo.”

1 Musa 30:6

Bituŋ Raheli kumata ko, “Alla ye n koyindi le, aduŋ a ye n na duwaa muta le, ka dinkewo dii n na.” Wo le ye a tinna a ye a toolaa Dani la.

1 Musa 19:31

Bituŋ dimmusu foloo ko dindimmaa ye ko, “M̀ faamaa kotoota le, aduŋ kee te ñiŋ bankoo kaŋ ka naa ntolu kaŋ futuwo la siloo la, ko a ñanta ke la ñaameŋ duniyaa bee kono.

1 Musa 11:30

Saarayi keta boorewo le ti, a maŋ diŋ soto.