1 Musa 13:10 - Mandinka Bible

¹⁰ Luuti ye a ñaa muruŋ-muruŋ, a ye a je ko, Yoridani Boloŋo kene fanuŋo bee, ka taa fo Sowari, wolu le ye jii jamaa soto. Jee ka munta le komeŋ Yaawe la naakoo aniŋ Misira bankoo. Ñiŋ mu waati le ti, janniŋ Yaawe ka Sodomu saatewo niŋ Komora saatewo kasaara.

1 Musa 13:10 ပူးပေါင်းရင်းမြစ်များ

5 Musa 34:3

A ye Nekefu* tundoo fanaa yitandi a la le, aniŋ kene fanuŋo meŋ datita Sowari ka taa fo Tamaree Suŋ Saatewo to, meŋ mu Yeriko ti.

Yesaya 51:3

Tooñaa-tooñaa, Yaawe be Siyoninkoolu* sabarindi la le, aduŋ a be balafaa soto la ì ye le, ì la saatewo tumbunta ñaameŋ. A be ì la wuloo ke la le ko Edeni naakoo, ì la keñewuloo* ye ke ko Yaawe la naakoo. Ì be seewoo niŋ kontaanoo soto la jee le, ì ye Alla tentu niŋ suukuulaa la.

1 Musa 14:8

Bituŋ mansoolu ka bo Sodomu saatewo to, Komora, Aduma, Seboyimu aniŋ Bela, ì ka meŋ kumandi Sowari la, ì bee fintita naŋ ka keloo ke Sidimu Wulumbaŋo kono.

Yoweli 2:3

Kelediŋolu ñaatiliŋo la, dimbaa le ka feŋo bee domo, niŋ ì ye ì koo dii, dimbaa neŋo ye janiroo ke. Janniŋ ì ka naa, bankoo be le ko Edeni naakoo, biriŋ ì ye ì koo dii, a keta keñewuloo* ti, feŋ buka kana ì ma.

1 Musa 14:2

Ñiŋ mansakee naanoolu, wolu le naata keloo wulindi mansakee luulu koteŋolu kamma, mennu mu Bera ti, Sodomu mansa, Birisa, Komora mansa, Sinabu, Aduma mansa, Semeba, Seboyimu mansa, aniŋ Bela mansa. Bela, saayiŋ ì ka ate le kumandi Sowari la.

Esekiyeli 28:13

I be Edeni le nuŋ, Alla la naakoo kono. I ñarandita bere ñiimaa siifaa bee la, wolu le mu rubi beroo ti, topasi aniŋ emeradi, kisoliti, onisi aniŋ jasipa, safiiri, turuki aniŋ berili, ì kononkesemaa be sanoo kono. I daata luŋo meŋ na, ì bee be pareeriŋ i ye le.

1 Mansoolu 7:46

A ye ì dadaa Mansa ye potoo muuloolu le la Yoridani Boloŋo kene fanuŋo kono Sukoti niŋ Saretani teema.

Esekiyeli 31:8

Hani sedari yiroolu mennu be Alla la naakoo kono niŋ a te laa noo la. A niŋ junipa yiroolu buloolu faŋolu te laa noo la. Hani arimoni yiribuloolu faŋolu la ñiiñaa maŋ a sii. Yiri te Alla la naakoo kono a niŋ meŋ si muluŋ.

Yeremiya 48:34

“Ì la wuuroo be kuma kaŋ santo le, ka bo Hesiboni ka taa fo Heleyale, hani fo Yahasi, ka bo Sowari ka taa fo Horonayimu, hani fo Ekilati Selisiya, kaatu hani Nimurimu woyoolu jaata le kos.

Yesaya 15:5

Mowabi la kuwo ye m balafaa le. A la keleborilaalu borita le fo Sowari, ka taa fo Ekilati-Selisiya. Ì be lemba kaŋ ka taa Luhiti siloo la, ka taa Horonayimu, ì be ì la kasaaroo woosii kaŋ.

Jabuuroolu 107:34

A ka senebanku kendoolu yelemandi lewolu ti le, jee siilaalu la jawuyaa maañaa kamma la.

1 Musa 6:2

Alla dinkewolu* naata a je ko, ñiŋ dimmusoolu ye alihaali betoolu le soto. Ñinnu kono, meŋ-wo-meŋ na kuwo ye ì ñaabo, ì ye wo taa le ka ke ì la musoolu ti.

1 Musa 3:6

Wo le to biriŋ musoo ye a je ko, yiridiŋo ñiŋ beteyaata le ka a domo, aduŋ a be ñaaboo daa le to, aniŋ yiroo ñiŋ na kuwo be lafoo daa le to ka ñaameŋo dii moo la, a ye a diŋo taa, a ye a domo. A ye doo dii a keemaa la, a niŋ meŋ be jee, wo fanaa ye a domo.

1 Musa 11:27

Ñinnu le mu Tera koomalankoolu ti: Tera le ye Iburama wuluu, Nahori aniŋ Harani. Harani, ate le ye Luuti wuluu.

1 Musa 13:9

Bankoo be fanuriŋ ne, ŋà janjaŋ. Niŋ i taata maraa la, nte ŋa taa bulubaa la, niŋ i taata bulubaa la, nte ŋa taa maraa la.”

1 Musa 13:11

Luuti faŋo le ye Yoridani Boloŋo kene fanuŋo bee tomboŋ a faŋ ye. Bituŋ a niŋ a faandiŋ talaata. Iburama tuta Kanaani bankoo kaŋ. Luuti, wo taata tilibo kara maafaŋo la, a siita jee Yoridani daala saatewolu doo to. Labaŋo la, a naata a la tiriliisoolu loo Sodomu saatewo le daala.

1 Musa 47:6

Misira bankoo be i la maroo le to, i faamaa niŋ i baadiŋolu sindi bankoo dulaa kendoo to. Ì bula ì ye tara sabatiriŋ Koseni tundoo kaŋ. Niŋ i laata ko kantarilaa kendoolu be ì kono le, ì marandi n na beeyaŋolu ma.”

Yuuba 40:23

Hani niŋ baa faata le tep, a buka dewuŋ, hani niŋ Yoridani waameta fo a futata a daafaroo ma.

Esekiyeli 16:46

I kotoomusoo mu Samariya le ti, meŋ be i maraa karoo la, a niŋ a dimmusoolu, i doomusoo mu Sodomu ti, meŋ niŋ a dimmusoolu sabatita nuŋ i bulubaa karoo maafaŋo la.

Esekiyeli 16:49

Saayiŋ i doomaa Sodomu la junube kuwo keta nuŋ ñiŋ ne ti, a niŋ a dimmusoolu ye ì faŋ wara le, ì konoo faata, ì baloo fanaa firinta. Ì buka fuwaaroolu maakoyi, aniŋ mennu suulata deemaaroo la.

Esekiyeli 31:9

Nte le ye a dadaa ka a ñiiñandi wo ñaama ka jamfa santo ka tambi yiroolu bee la mennu be nte Alla faŋo la naakoo kono. Yiroolu mennu bee be Edeni naakoo kono ñaa bota a fee le.”

Esekiyeli 47:18

“Ñiŋ ne mu Banisirayila bankoo tilibo karoo naanewo ti meŋ datita Hawurani niŋ Damasiku teema, ka duŋ niŋ Yoridani Boloŋo la, Kileyadi tundoo niŋ Banisirayila bankoo teema. Ì wo naanewo le taata fo Koojii Baa to. Ka bo jee, a taata le fo Tamari. Wo le be ke la Banisirayila bankoo tilibo karoo naanewo ti.