1 Musa 13:1 - Mandinka Bible

¹ Bituŋ Iburama taata ka bo Misira, a niŋ a la musoo, aniŋ a la sotofeŋolu bee, aniŋ Luuti ka taa Nekefu* tundoo kaŋ.

1 Musa 13:1 ပူးပေါင်းရင်းမြစ်များ

Yosuwa 10:40

Yosuwa ye bankoo ñiŋ bee le noo: Wo le mu konkotundoo* ti, Nekefu* tundoo, Sefela* tundoo tilijii karoo la, aniŋ konko jindaalu tilibo karoo la, aniŋ ì la mansoolu bee. A maŋ hani moo kiliŋ ne tu baluwo to jee. A ye niilamaa feŋolu bee le faa jee, ko Yaawe Banisirayila la Alla ye yaamaroo dii a la ñaameŋ.

2 Samuweli 24:7

Bituŋ ì taata Tire la tatoo maafaŋo la, aniŋ Hiwinkoolu niŋ Kanaaninkoolu la saatewolu bee to. Labaŋo la, ì taata Beeriseba, meŋ be Yahuuda Nekefu* tundoo kaŋ.

1 Samuweli 27:10

Niŋ Akisi ye a ñininkaa ko, “Bii, i taata feŋolu taa mintoo le?” Dawuda si a fo ko, “N taata Nekefu* tundoo kara doo le la, meŋ keta Yahuuda moolu taa ti,” waraŋ “N taata Nekefu tundoo kara doo le la, meŋ keta Yeraameelinkoolu taa ti,” waraŋ “N taata Nekefu tundoo kara doo le la, meŋ keta Keninkoolu taa ti.”

Yosuwa 18:5

Ali ñanta bankoo ñiŋ talaa la siidulaa woorowula le ti. Yahuuda, wo ñanta tu la a noo to le, a be daameŋ bulubaa karoo la, aniŋ Yusufa koomalankoolu, wolu fanaa ñanta tu la ì noo to le maraa karoo la.

1 Musa 21:33

Bituŋ Iburayima ye yiroo tutu Beeriseba jee. A duwaata niŋ Yaawe, badaa-badaa Alla, too la jee.

1 Musa 20:1

Iburayima bota Mamure, a taata Nekefu* tundoo maafaŋo la. A sabatita Kadesi saatewo niŋ Suri keñewuloo* le teema. A la tumarankeeyaa waatoo Kerari to,

4 Musa 13:17

Biriŋ Musa be ì kii la ka taa Kanaani bankoo kullootoo juubee, a ko ì ye le ko, “Ali taa niŋ Nekefu* tundoo la ka taa wo la konkotundoo* to la.