1 Musa 11:7 - Mandinka Bible

⁷ Ali naa ŋà jii duuma, ŋà ì la kaŋo duŋ ñoo to, i si a je, ì te ñoo la kumakaŋo fahaamu noo la kotenke.”

1 Musa 11:7 ပူးပေါင်းရင်းမြစ်များ

Jabuuroolu 33:10

Yaawe le ka duniyaa bankoolu la natoolu ke ì ye kenseŋo ti. A ka ì la feeroolu janjaŋ ne.

Jabuuroolu 55:9

Hee Maariyo, n jawoolu piwundi, i ye ì fokumoolu duŋ ñoo to. N ka fitinoo le je saatewo kono, aniŋ tilimbaliyaa.

1 Musa 1:26

Alla kumata ko, “Ali ŋà moo daa m̀ faŋolu sawuroo la, ì la kuwo be muluŋ na le komeŋ m̀ faŋolu. Itolu le be baakono ñewolu mara la, kunoolu, beeyaŋolu, kuruntu feŋolu, aniŋ duniyaa bee.”

1 Korintinkoolu 14:23

Wo to, niŋ ali bee kafuta ñoo kaŋ Yeesu la kafoo kono, aduŋ ali bee be diyaamu la niŋ kaŋ koteŋolu la, niŋ bantalankoolu waraŋ lannabaloolu dunta wo to, fo ì te a fo la ko, alitolu mu ñaamaatoolu le ti baŋ?

Yeremiya 5:15

Yaawe ko: “Alitolu Banisirayilankoolu, m be jamfajaŋ banku le naati la ka ali boyinkaŋ, banku sembemaa, banku meeriŋ, ali maŋ banku meŋ na kaŋo moyi, sako ali si ì la diyaamoo fahaamu noo.

Jabuuroolu 2:4

Ate meŋ be siiriŋ mansasiiraŋo kaŋ Arijana, a jeleta le. Maariyo ye ì muta jelefeŋo le ti.

Yuuba 12:20

Ate le ka moo deyindi, jikoo be meŋ na kuwo to, a ye keebaa kotoo la ñaameŋo taa a bulu.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

Yesaya 6:8

Bituŋ ŋa Maariyo diyaamukaŋo moyi, a ka a fo ko, “N ñanta jumaa le kii la? Jumaa le be taa ntolu ye?” N kumata ko, “Nte fele. I si nte kii.”

1 Musa 42:23

Ì maŋ a loŋ ko, ì ka meŋ fo, Yusufa ye a bee fahaamu le, baawo kannasoorilaa le tarata a niŋ ì teema.

1 Musa 11:5

Yaawe* jiita naŋ duuma, ka naa ñiŋ saatewo juubee aniŋ tatoo ñiŋ, hadamadiŋolu be meŋ loo kaŋ.

1 Musa 10:20

Ñinnu bee mu Hamu koomalankoolu le ti. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì bee niŋ ì fansuŋ kaŋo le fanaa mu.

1 Musa 3:22

Yaawe Alla kumata ko, “Adama fele, a keta ko ntolu faŋolu, ka kuu betoo niŋ kuu jawoo loŋ. A si a buloo futandi noo baluwo yiroo fanaa diŋo ma le ka a domo, a ye naa tara baluwo to fo abadaa.”

1 Musa 10:32

Ñinnu bee mu Nuha koomalankoolu le ti, ka bo sii ka taa sii, ko ì la kaabiiloolu be ñaameŋ. Duniyaa moolu bee bota Nuha dinkewolu le bala, Tuufaani Waamoo koolaa.

1 Musa 10:5

Yafeti ñiŋ koomalankoolu, wolu tarata sabatiriŋ baadaa borindoolu le la, aniŋ baajooyoolu to. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì siyolu bee niŋ ì fansuŋ kaŋo le fanaa mu.

2 Musa 4:11

Yaawe ko a ye ko, “Jumaa le ye hadamadiŋo daa dii a la? Jumaa le ka a tuloo suki, waraŋ ka a ke mumunewo ti? Jumaa le ka a ke a ye jeroo ke, waraŋ ka a ke finkintewo ti? Fo a maŋ ke nte Yaawe le ti baŋ?

Yesaya 33:19

Ali te wo faŋ wara moolu je la kotenke, mennu ka kaŋ siifaalu fo, ali buka mennu moyi noo, aniŋ ka diyaamu ko mennu neŋo kadata, ali te mennu fahaamu noo la.