1 Musa 11:4 - Mandinka Bible

⁴ Ì kumata ko, “Ali naa! Ŋà saatewo loo m̀ faŋ ye, aniŋ tatoo meŋ na jamfoo be taa fo saŋo bala. Niŋ ŋà ñiŋ ke, i si a je, ǹ toolu si bo, aniŋ ǹ te tara la janjandiŋ duniyaa karoo bee la.”

1 Musa 11:4 ပူးပေါင်းရင်းမြစ်များ

5 Musa 1:28

Saayiŋ ǹ si taa noo mintoo le? Kullooñinilaalu ŋà mennu kii wolu le faŋo ye ǹ kijoo teyi, ka a fo ǹ ye ko, ‘Wo moolu warabaata le, aduŋ ì jamfabaata ǹ ti! Ì la saatewolu be warariŋ, ì ye ì tata sansaŋ jaŋ baalu le la! Wo koolaa, ŋà Anaki koomalankoolu fanaa je jee le.’ ”

Yohana 5:44

Ali ka lafi ka jayiroo soto ali ñoŋolu bulu, bari ali buka a kata ka jayiroo soto Alla bulu, Mansa kiliŋo. Wo to alitolu si laa noo ñaadii le?

Luka 1:51

A ye a semboo yitandi niŋ a buloo le la, a ye faŋ wara moolu janjandi, ì niŋ ì la feeroolu mennu be ì sondomoolu kono.

Daniyeli 4:30

A kumata ko, “Babiloni juubee a be warariŋ ñaameŋ. Ŋa a loo le ka ke n na mansa saatee baa ti. Ŋa a loo n semboo le la, ka n na mansayaa horomoo niŋ waroo yitandi.”

Kuma Kotoomaalu 10:7

Niŋ moo kendoo faata, a too be ke la neemoo le ti, bari moo kuruŋo too be buruka la le.

5 Musa 9:1

Musa tententa ka a fo ì ye ko: Alitolu Banisirayilankoolu, ali i lamoyi! A fele, ali be naa Yoridani Boloŋo teyi la ka duŋ bankoo kaŋ ka a taa a maariiñolu bulu. Wo moolu le siyaata ali ti, ì semboo warata ali ti. Ì la saatee baalu be tatariŋ sansaŋ jaŋ baalu le la.

2 Samuweli 8:13

Aduŋ Dawuda naata daraja wo le ñaama, kabiriŋ a bota naŋ Edomunka moo wuli taŋ niŋ seyi faa kaŋ Koo Wulumbaŋo kono.

Daniyeli 4:11

A la waroo niŋ a la jaŋayaa lafaakuuta, fo a turoo futata saŋo ma, aduŋ duniyaa bee le ye a je.

1 Musa 6:4

Kabiriŋ ñiŋ dinkewolu naata kafuñooyaa soto ì niŋ hadamadiŋ musoolu teema, ì ye diŋolu wuluu ì la. Ka bo wo waatoo la, wo diŋolu keta duniyaa moo sembemaa baa kataŋolu ti. Kelejawaroolu le mu, aniŋ moo too boriŋolu, mennu sotota nuŋ waati jaŋ koomanto.

Daniyeli 4:22

“M maarii Mansa, wo yiroo mu ite le ti. I warata le, i bambanta. I la mansayaa warata le, fo a futata saŋo ma, aduŋ i la semboo futata duniyaa karoo bee la le.

Jabuuroolu 92:9

Hee Yaawe, a fele, i jawoolu wo, a fele, i jawoolu be kasaara la le. Kuu jawu kelaalu bee le be janjaŋ na.

5 Musa 4:27

Aduŋ Yaawe be ali janjandi la bankoolu kaŋ ne taariŋ, aduŋ ali moo dantaŋ doroŋ ne be tu la baluuriŋ wo bankoo moolu kono, ali be taa daameŋ.

Jabuuroolu 107:26

Kuluŋo wulita ì ti santo, a tinsamuta ì fee diinoŋñaa to. Ñiŋ kasaara jawoo waatoo la, ì kijoo teyita le.

Yeremiya 51:53

Hani Babiloni si futa saŋo ma, hani a si a tata jaŋolu bambandi, m be tiñaarilaalu naati la a kamma le.” Yaawe le ye a fo.

Daniyeli 4:27

Wo to Mansa, yaamaroo muta, m be meŋ dii la i la. Fata junube kewo ma, i kali taama tiliŋo la. “I la tilimbaliyaa bula, i ye balafaa moolu ye, mennu be mantooroo kono. A si ke noo i la firiŋo ye tenteŋ.”