1 Musa 10:5 - Mandinka Bible

⁵ Yafeti ñiŋ koomalankoolu, wolu tarata sabatiriŋ baadaa borindoolu le la, aniŋ baajooyoolu to. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì siyolu bee niŋ ì fansuŋ kaŋo le fanaa mu.

1 Musa 10:5 ပူးပေါင်းရင်းမြစ်များ

Sefaniya 2:11

Yaawe be ì jaakalindi la le famfaŋ, a ye duniyaakono alloolu bee kasaara, ì ye mennu muta Alla ti. Bituŋ bankoolu moolu bee si naa sujudi ate doroŋ ye, moo-wo-moo a si a ke a faŋo la bankoo kaŋ.

Yeremiya 2:10

Niŋ i teyita ka taa Kitimu baajooyoo to, waraŋ i ye moo kii Kedari bankoo kaŋ ka koroosiroo ke kendeke, i be a je la le fo ñiŋ kuu siifaa nene ka ke le.

Yeremiya 25:22

Tire niŋ Sidoni mansoolu fanaa bee, ka taa bankoolu mansoolu mennu be baadaa borindoo la baakoo,

Yesaya 42:4

A te keerikeeri la waraŋ ka jikilateyi, fo niŋ a ye tiliŋo londi ñiŋ duniyaa kono. Moolu mennu be banku jamfariŋolu to, be tara la ñaaniriŋ a la luwaalu le la.”

1 Musa 10:20

Ñinnu bee mu Hamu koomalankoolu le ti. Ì naata ke siyolu ti, sii-wo-sii, a bee be sabatiriŋ a fansuŋ bankoo le kaŋ, ka bo kaabiila ka taa kaabiila. Aduŋ ì bee niŋ ì fansuŋ kaŋo le fanaa mu.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 59:18

Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.

Yesaya 51:5

N na tiliŋo ka sutiyaa naŋ tariyaarinke le, n na kiisoo be siloo kaŋ naŋ ne, aduŋ n semboo le be kiitiiteyoo naati la bankoolu kaŋ. Banku jamfariŋolu be n lamoyi la le, ì ye ì jikoo loo n semboo kaŋ ka ì maakoyi.

Yesaya 49:1

Alitolu baadaa borindoo sabatilaalu, ali i lamoyi n na. Alitolu banku jamfariŋo moolu, ali ali tuloo loo. Janniŋ n ka wuluu, Yaawe* ye n tomboŋ ne, ka ke a la dookuulaa ti. Kabiriŋ m be m baamaa wuluuñaŋo kono, wo to le a ye n toolaa.

Yesaya 42:10

Alitolu mennu ka taama niŋ baa la, aniŋ a konokono feŋolu bee, alitolu banku jamfariŋolu, aniŋ mennu be sabatiriŋ jee, ali suukuu kutoo laa Yaawe ye, a la jayiroo ye bo naŋ duniyaa daŋo bee to.

Yesaya 41:5

Banku jamfariŋolu moolu ye a je le, aduŋ ì silata le. Duniyaa daŋo to moolu ka jarajara. Ì bee benta ñoo kaŋ.

Yesaya 40:15

Tooñaa-tooñaa, bankoolu ka muluŋ a ñaa koto le ko jii tondoo, meŋ be keraŋo kono, ì ka muluŋ ne ko, niŋ i ye kankaŋo ke peesarilaŋo kaŋ. A ka baajooyoolu peesa le, ì ka feeyaa a fee ko banku kesoo.

Yesaya 24:15

Wo to tilibolankoolu, ali horomoo niŋ buuñaa dii Yaawe la, baadaa borindoo siilaalu, ali Yaawe too horoma, Banisirayila la Alla.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

1 Musa 10:25

Eberi, wo ye dinkee fula le soto. Doo too mu Peleki le ti. Ate le tiloo la, duniyaa moolu janjanta. Doo, wo too mu Yokitani le ti.

1 Musa 10:4

Yawani dinkewolu, wolu le mu: Elisa, Tarisi, Kitimu aniŋ Rodanimu.

1 Musa 10:6

Hamu dinkewolu, wolu le mu: Kusi ti, Misira, Puti aniŋ Kanaani.

Esekiyeli 26:15

Maarii Yaawe ye ñiŋ ne fo Tire ma ko: “Wo moolu mennu be siiriŋ baadaa borindoo la, kijafaroo le be kupi la ì kaŋ, niŋ ì ye a moyi, ite Tire boyita ñaameŋ, niŋ i baramatoolu niŋ dimiŋo be ŋuntaŋ kaŋ, faaroo be ke kaŋ i kono.

Esekiyeli 26:18

Saayiŋ wo baadaa borindoo siilaalu bee be sila la le, niŋ i boyita luŋo meŋ na. Wo baakono jooyoolu bee be jaakali la, ì la kuwo baŋñaa la le.”

Daniyeli 11:18

Wo koolaa le mu a be naa a ñaa tiliŋ na bankoolu la, mennu be baa dandaŋo la, aduŋ a be jamaa le muta la ì kono. Bari kelediŋ kuntiyo doo le be a noo la keloo to, wo be a la faŋ waroo daŋ na le. A be a la faŋ waroo murundi la a faŋo kuŋo le kaŋ.

1 Musa 9:19

Duniyaa moolu bee bota Nuha ñiŋ dinkee saboo le bala.

1 Musa 10:32

Ñinnu bee mu Nuha koomalankoolu le ti, ka bo sii ka taa sii, ko ì la kaabiiloolu be ñaameŋ. Duniyaa moolu bee bota Nuha dinkewolu le bala, Tuufaani Waamoo koolaa.

5 Musa 32:8

Alla Mansa Tallaa ye duniyaa talaa bankoolu ti, a ye hadamadiŋolu talaa siyolu ti, a ye naanewolu ke ì teema, ko Banisirayilankoolu yaatewo be ñaameŋ.

Esita 10:1

Mansa Ahasuweru ye naamujoo luwaa duŋ a la mansamarali bankoo bee kaŋ ka bo bankoo tonkoŋ fo a tonkoŋ.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.