1 Musa 10:22 - Mandinka Bible

²² Ñinnu le mu Semu dinkewolu ti: Elamu, Asuri, Aripakisadi, Ludi aniŋ Aramu.

1 Musa 10:22 ပူးပေါင်းရင်းမြစ်များ

Yesaya 66:19

A ko: “M be kaawakuwo le fintindi la ì kono, aduŋ moo doolu mennu tankata n na ñiŋ kiitindiroo ma, m be ì kii la ñiŋ banku jamfariŋolu le kaŋ, Tarisi, Libiya, aniŋ Ludi bankoo, meŋ na moolu mu kalabeñe fayilaa baalu ti, ka taa fo Tubali, Jirisi, aniŋ banku jamfariŋolu mennu maŋ n na darajoo loŋ, waraŋ ka n na kallankeeyaa je. Ì be n na kallankeeyaa kankulaa la bankoolu kaŋ ne.

Kiilaalu 2:9

Ntolu mu Paritiyankoolu, Mediyankoolu niŋ Elamunkoolu le ti. Doolu bota Mesopotamiya, Yudeya, Kapadosiya, Pontus, Asiya*,

Yeremiya 25:25

Simuri bankoo fanaa mansoolu bee, Elamu mansoolu bee, aniŋ Mediya mansoolu bee,

Yesaya 22:6

Elamunkoolu niŋ kalabeñoolu naata le, ì la keleraŋ sareeti* borindilaalu niŋ ì la suwoolu, Kiri kelediŋolu ye ì la koteeroolu* parendi le.

Yesaya 21:2

Jeri koleŋ ne yitandita n na. Jamfaalaa ka jamfaa ke le, kasaaralaa ka kasaaroo ke. Elamu, taa boyinkaŋo la! Mediya, taa dulaa suki! Yaawe* be daŋ ke la woosiyo la le, Babiloni ye meŋ laa bankoolu kaŋ.

Yesaya 11:11

Wo luŋo la, Maariyo be a bulu sembemaa taa la le kotenke, ka moo toomaalu kaniŋ mennu tuta a la moolu kono, ka bo Asiriya, ka taa fo Misira bankoo bulubaa niŋ maraa la, ka bo Kusi*, Elamu, Babiloni, Hamati, aniŋ ka taa fo Baa Baa* borindoo la.

Yuuba 1:17

Wo fanaa maŋ paree diyaamoo la, doo naata a ko, “Kalideyankoolu naata, ì kafu saba, ì ñapita ñonkomoolu kaŋ, ì ye ì samba, ì ye dookuulaalu faa niŋ hawusaroo la. Nte doroŋ ne kanata ka naa a fo i ye.”

2 Mansoolu 15:19

Asiriya mansa Tikilati-Pilesa dunta Banisirayila bankoo kaŋ. Bituŋ Menahemu ye kodiforoo kilo wuli taŋ saba niŋ naani dii a la, ñiŋ kamma la a si a maakoyi ka a la mansayaa bambandi bankoo kaŋ.

4 Musa 23:7

Balaamu naata a la kiilaariyaa kumoolu bankee ko: “Mowabi mansa Balaki, wo le ye m bondi naŋ ka bo Aramu, ka bo tilibo konkoolu to. A ko n ye ko, ‘Naa i ye Yaakuba koomalankoolu danka n ye. Naa i ye Banisirayila tiñaa.’

1 Musa 9:26

A kumata kotenke ko, “Tentoo be Yaawe* ye, Semu la Alla! Allamaa a ye Kanaani ke Semu la joŋo ti.

Luka 3:36

Sela mu Kayinani dinkewo le ti. Kayinani mu Aripakisadi dinkewo le ti. Aripakisadi mu Semu dinkewo le ti. Semu mu Nuha dinkewo le ti. Nuha mu Lameki dinkewo le ti.

1 Musa 10:21

Semu meŋ mu Yafeti kotoo keebaa ti, fanaa ye diŋolu soto le. Ate le mu Eberi koomalankoolu bee bonsuŋo ti.

1 Musa 11:10

Ñinnu le mu Semu koomalankoolu ti. Kabiriŋ Semu siyo be sanji keme, a ye Aripakisadi wuluu, waamoo koolaa sanji fulanjaŋo.

4 Musa 24:22

Bari hani wo, alitolu Keni koomalankoolu, ali be kasaara la le, niŋ Asuri ye ali muta.”

Esekiyeli 32:24

“Elamu be jee le, aduŋ a la jamaa moolu la kaburoolu bee be a dandaŋo la, mennu faata a fee keloo kono. Wolu le ye silaŋo dundi nuŋ bankoo kaŋ, baluuriŋolu be daameŋ to, ì Alla lombalimaalu le taata ñoo la Jahannaba kono duuma, ka ì la maloo dunoo taa.

Daniyeli 8:2

Jeroo ñiŋ kono, n taata m faŋ je Susa saatewo la tatoo le kono, meŋ be Elamu kumandaŋ mara bankoo kaŋ. Ŋa m faŋ je looriŋ Ulayi jiibori dinkoo le daala.