1 Musa 1:9 - Mandinka Bible

⁹ Bituŋ Alla kumata ko, “Jiyolu mennu be saŋo duuma la, bee ye kafu ñoo ma dulaa kiliŋ, dulaa jaaroo ye finti.” Aduŋ a keta wo le ñaama.

1 Musa 1:9 ပူးပေါင်းရင်းမြစ်များ

2 Pita 3:5

Ì ye ì ñaa laa ñiŋ tooñaa kaŋ tawunteeyaa kono ko, jamaani jaŋ koomanto, saŋ fatoolu sotota ka bo niŋ Alla la kumoo le la, aniŋ duniyaa daata jiyo le la, bankoo bota jiyo le kono.

Yunusa 1:9

A ye ì jaabi ko, “Nte mu Hiburunkoo* le ti, aduŋ n ka Yaawe batu le, Arijana Maariyo, meŋ ye baa niŋ bankoo daa.”

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Jabuuroolu 95:5

A taa le mu fankaasoo ti, kaatu ate le ye a daa, aniŋ bankoo, a buloo ye meŋ daa.

Kawandilaa 1:7

Boloŋolu bee ka bori le ka taa baa baa kono, bari hani wo, a nene maŋ faa. Boloŋolu ka bori ka bo naŋ daameŋ, ì ka bori ka muru wo dulaa kiliŋo le to.

Jabuuroolu 33:7

A ye baajiyo bee kafu dulaa kiliŋo le to, a ye fankaasoolu duumoo bee ke jiibuŋolu kono.

Yuuba 26:10

A ye ñaa daŋo ke fankaasoo la, ka waati ke tiloo maloo la, aniŋ suutoo diboo.

Lankenemoo 10:6

Bituŋ a kalita niŋ wo la, meŋ be baluuriŋ fo abadaa, meŋ ye saŋo daa, aniŋ feŋolu mennu be a kono, bankoo aniŋ feŋolu mennu be a kono, fankaasoo aniŋ feŋolu mennu be a kono. Aduŋ a ko, “Waati koteŋ te jee, ka kuwolu mendi.

Jabuuroolu 104:3

I ye i la sabatidulaa loo jiyolu le kaŋ, mennu be saŋ fatoolu ye santo la. I ka tawaloolu le ke i la keleraŋ sareetoolu* ti, aduŋ i la taamaraŋo mu foñoo le ti, i ka tii a fee ko kunoo niŋ a dampaŋo.

Yuuba 26:7

Ate le ye saŋo wanka alihawaa kono santo, a ye bankoo feenee, a maŋ tara feŋ kaŋ.

1 Musa 1:8

Bituŋ Alla naata saŋ fatoo kumandi saŋo la. Wulaaroo niŋ soomandaa sotota, tili fulanjaŋ luŋo la.

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.