1 Musa 1:7 - Mandinka Bible

⁷ Wo le to Alla ye saŋ fatoo daa, a ye jiyolu bondi ñoo to, mennu be saŋ fatoo ye duuma la, aniŋ mennu be a ye santo la. Aduŋ a keta wo le ñaama.

1 Musa 1:7 ပူးပေါင်းရင်းမြစ်များ

Jabuuroolu 148:4

Saŋ fatoo daŋolu, aniŋ jiyolu mennu be saŋ fatoolu ye santo la, ali a jayi.

Matiyu 8:27

Bituŋ saayiboolu jaakalita, ì ko, “Muŋ moo siifaa le mu ñiŋ ti, fo hani foñoo niŋ baajiyo ka a la yaamaroo muta?”

1 Musa 1:9

Bituŋ Alla kumata ko, “Jiyolu mennu be saŋo duuma la, bee ye kafu ñoo ma dulaa kiliŋ, dulaa jaaroo ye finti.” Aduŋ a keta wo le ñaama.

Yuuba 26:8

A ye minaayoo ke samaajiyo ye keraŋo ti, hani niŋ a kuliyaata a kono ko muŋ, ì buka feteŋ a fee.

1 Musa 1:15

aniŋ ì ye ke malafeŋolu ti saŋo bala ka mala duniyaa kono.” Aduŋ a keta wo le ñaama.

Kawandilaa 11:3

Niŋ tawaloolu faata jiyo la, ì ka sanjoo boŋ ne duniyaa kono. Yiroo, fo a boyita bulubaa le la baŋ, waraŋ maraa la, bari a boyita daameŋ, a ka i laa wo le to.

1 Musa 1:24

Bituŋ Alla kumata ko, “Daafeŋolu ye tara duniyaa kono, siifaa-wo-siifaa: beeyaŋolu aniŋ kuruntu feŋolu, aniŋ wulakono daafeŋolu, siifaa-wo-siifaa.” Aduŋ a keta wo le ñaama.

1 Musa 1:11

Bituŋ Alla kumata ko, “Fiifeŋolu ye faliŋ bankoo kaŋ duniyaa kono: Fiifeŋ siifaa-wo-siifaa mennu ye kesoolu soto, aniŋ yiroolu mennu ye kesoolu soto ì diŋolu kono.” Aduŋ a keta wo le ñaama.

Jabuuroolu 104:10

I ka a saabu le woyoolu ka jiyo jurumi wulumbaŋolu kono, ka bori konkoolu teema.

1 Musa 1:8

Bituŋ Alla naata saŋ fatoo kumandi saŋo la. Wulaaroo niŋ soomandaa sotota, tili fulanjaŋ luŋo la.

Jabuuroolu 19:1

Saŋ fatoolu ka Alla la kallankeeyaa* bankee le, minaayoolu ka a buloo la daaroo kankulaa le.

Jabuuroolu 19:2

Luŋ-wo-luŋ ì ka tu diyaamoo la le, suuto-wo-suuto ì ka londoo le feenee.

Jabuuroolu 136:5

Ate le ye saŋ fatoolu daa a la ñaameŋo la, a la kanu bambaloo be tu la le fo abadaa.