1 Musa 1:31 - Mandinka Bible

³¹ Alla ye a je ko, a ye feŋolu mennu bee daa, beteyaata baake le. Wulaaroo niŋ soomandaa sotota, tili wooronjaŋ luŋo la.

1 Musa 1:31 ပူးပေါင်းရင်းမြစ်များ

1 Timoti 4:4

Baawo Alla ye feŋ-wo-feŋ daa, wo beteyaata le. Wo to moo maŋ ñaŋ na balaŋ na feŋ na, bari a si a muta niŋ tenturoo la.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

2 Musa 20:11

Nte Yaawe ye saŋo niŋ bankoo, baa aniŋ a konokono feŋolu bee daa tili wooro le kono, bari tili woorowulanjaŋ luŋo la, ŋa n dahaa le. Wo kamma la, nte Yaawe ye neemoo jindi Loobula Luŋo la, ŋa a luŋo buuñaa fanaa.

Jabuuroolu 104:31

Allamaa Yaawe la kallankeeyaa* ye tu fo abadaa. Allamaa Yaawe ye tu seewooriŋ a la daaroo to.

Niikuyaa Suukuwolu 3:38

Niŋ kasaaroo waraŋ kuu kendoo naata, fo Alla Mansa Tallaa le maŋ a lañini baŋ?

Yuuba 38:7

tumoo meŋ, subaalooloolu ye suukuwo laa ñoo la, aniŋ malaayikoolu bee seewootoo wuurita?

1 Musa 2:2

Tili wooronjaŋo, Alla ye dookuwo baŋ, a tarata meŋ ke kaŋ. Bituŋ a ye i dahaa tili woorowulanjaŋ luŋo.

1 Musa 1:23

Wulaaroo niŋ soomandaa sotota, tili luulunjaŋ luŋo la.

1 Musa 1:8

Bituŋ Alla naata saŋ fatoo kumandi saŋo la. Wulaaroo niŋ soomandaa sotota, tili fulanjaŋ luŋo la.

1 Musa 1:5

Alla ye maloo kumandi tiloo la, a ye diboo kumandi suutoo la. Bituŋ wulaaroo naata soto, aniŋ soomandaa, tili foloo la.

1 Musa 1:19

Wulaaroo niŋ soomandaa sotota, tili naaninjaŋ luŋo la.

1 Musa 1:13

Wulaaroo niŋ soomandaa sotota, tili sabanjaŋ luŋo la.

1 Timoti 4:5

I ye a je le ko, Alla la kumoo niŋ duwaa le ye wo domori feŋo seneyandi.

2 Musa 31:17

A be ke la taamanseeri le ti meŋ be tara la n niŋ Banisirayilankoolu teema fo abadaa. Kaatu ŋa saŋo niŋ bankoo daa tili wooro le, aduŋ tili woorowulanjaŋ luŋo la, m maŋ daaroo ke, ŋa n dahaa le.

Jabuuroolu 104:28

I ka a dii ì la le, ì ye a taa ka a domo. I ka i buloo tiliŋ ì la le, ì ye wasa.

Jabuuroolu 119:68

Ite beteyaata le, i ka kuu betoo doroŋ ne ke. N karandi i la luwaalu la.

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

1 Musa 2:3

Alla neemata tili woorowulanjaŋ luŋo ma, aduŋ a ye a kuliyaa. Kaatu ate mu luŋ ne ti, luŋo meŋ Alla ye i dahaa daaroo bee la, a tarata meŋ ke kaŋ.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.