1 Musa 1:16 - Mandinka Bible

¹⁶ Alla ye malafeŋ baa fula le daa. Malafeŋ baa doo, meŋ na maloo semboo warata, wo ka tiloo le mara. Bituŋ malafeŋ baa doo, meŋ na maloo semboo maŋ wara baake, wo ka suutoo mara, aniŋ a ye looloolu fanaa daa.

1 Musa 1:16 ပူးပေါင်းရင်းမြစ်များ

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

Jabuuroolu 8:3

Niŋ ŋa i la saŋ fatoolu la kuwo miira, i buloo la daaroo, karoo aniŋ looloolu, i ye mennu londi,

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Jabuuroolu 148:5

Daaroo bee, ali Yaawe jayi a too la, kaatu ate le ye ali daa ka bo niŋ a la kumoo la.

Jabuuroolu 74:16

Suutoo niŋ tiloo mu ite le taa ti, ite le ye karoo niŋ tiloo daa.

Jabuuroolu 148:3

Karoo niŋ tiloo, ali a jayi. Looloolu mennu ka mala, ali a jayi.

Yuuba 38:7

tumoo meŋ, subaalooloolu ye suukuwo laa ñoo la, aniŋ malaayikoolu bee seewootoo wuurita?

1 Korintinkoolu 15:41

Tiloo ye malañaa kiliŋ ne soto, karoo ye malañaa doo soto. Looloolu fanaa ye malañaa doo le soto, aduŋ ì malañaalu fatata le.

Matiyu 27:45

Saayiŋ, ka bo talaŋ taŋ niŋ fula tilibuloo ka taa fo talaŋ saba tilibuloo, dibi baa dunta bankoo muumewo bee kaŋ.

Habakuki 3:11

Karoo niŋ tiloo tuta ì noo kiliŋo le to, biriŋ i la kalabeñoolu tambitoo be malamala kaŋ, i la hawusaroo* be ŋalasi kaŋ ko saŋ ŋalasoo.

Yesaya 45:7

Nte le ye maloo naati, ŋa diboo daa, nte le ye kayiroo naati, ŋa maasiiboo saabu. Nte Yaawe le ka ñiŋ kuwolu bee ke.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Jabuuroolu 19:6

A ka wuli naŋ saŋo daŋo to le, a ye taa fo a daŋ doo to, aduŋ feŋ buka maabo noo a la kandoo ma.

Lankenemoo 21:23

Aduŋ saatewo ñiŋ maŋ suula tiloo waraŋ karoo la maloo la a kono, kaatu Alla la kallankeeyaa le mu a la maloo ti, aduŋ a la lampoo mu Saajiiriŋo le ti.

Yesaya 24:23

Karoo si dibi, tiloo ye foo a la maloo la, kaatu Yaawe Alihawaa Maariyo* le be maraloo ke la Yerusalaamu Siyoni* Konkoo kaŋ, saatee ñaatonkoolu si a la mansabaayaa je.

Yuuba 31:26

Niŋ ŋa tiloo je mala kaŋ, aniŋ ŋa karoo je diyaariŋ tal,

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

1 Musa 1:15

aniŋ ì ye ke malafeŋolu ti saŋo bala ka mala duniyaa kono.” Aduŋ a keta wo le ñaama.

Yeremiya 31:35

Yaawe le ye tiloo bondi ka mala tilibuloo la, aniŋ karoo niŋ looloolu ka mala suutoo la. Ate le ka baa maamandi, a jiibaliŋolu ye kuma. A too mu Yaawe Alihawaa Maariyo le ti, aduŋ a ye ñiŋ ne fo ko: