1 Musa 1:14 - Mandinka Bible

¹⁴ Bituŋ Alla kumata ko, “Malafeŋolu ye ke saŋo bala ka suutoo niŋ tiloo bondi ñoo to, aniŋ ì ye ke taamanseeri ti tiloolu la, saŋolu aniŋ waati looriŋolu,

1 Musa 1:14 ပူးပေါင်းရင်းမြစ်များ

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

Yeremiya 31:35

Yaawe le ye tiloo bondi ka mala tilibuloo la, aniŋ karoo niŋ looloolu ka mala suutoo la. Ate le ka baa maamandi, a jiibaliŋolu ye kuma. A too mu Yaawe Alihawaa Maariyo le ti, aduŋ a ye ñiŋ ne fo ko:

Jabuuroolu 148:3

Karoo niŋ tiloo, ali a jayi. Looloolu mennu ka mala, ali a jayi.

Jabuuroolu 148:6

A ye ali londi le fo abadaa. A la kaŋo kaŋ ali te bo la ali ñaama.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Yoweli 3:15

Tiloo niŋ karoo si dibi, looloolu ye i dahaa maloo la.

Yeremiya 10:2

Yaawe ye ñiŋ ne fo ko: “Ali kana bula banku koteŋolu la siloolu nooma, sako saŋo santo taamanseeroolu si ali jaakalindi, wolu ka banku koteŋ moolu jaakalindi ñaa-wo-ñaa.

Jabuuroolu 81:3

Ali binoo fee Kari Kutoo* la, aniŋ kari maloo tumoo la, ǹ na juuraloo luŋo la.

1 Musa 8:22

Janniŋ duniyaa be baŋ na, fiiroo waatoo be soto la le, aduŋ katiroo waatoo fanaa be soto la le. Kandoo niŋ sumayaa, wolu be tara la keriŋ ne doroŋ, samaa niŋ tili kandoo, aniŋ suutoo niŋ tiloo.”

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Amosi 8:9

Maarii Yaawe ye ñiŋ ne fo ko: “Wo luŋo la, n si tiloo boyindi tilikuntewo waatoo, ŋa diboo duŋ duniyaa kono tilibula baa.

Yoweli 2:10

Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Yeremiya 33:20

“Nte Yaawe ye ñiŋ ne fo ko: Ŋa kambeŋo le siti n niŋ tiloo niŋ suutoo teema, ñiŋ kamma la ì kali naa ì la naa waati londiriŋolu la. Wo kambeŋo nene te tiñaa la.

Lankenemoo 6:12

Ŋa Saajiiriŋo je, a ye noto wooronjaŋo teyi. Wo keta banku jarajara baa ti. Tiloo naata fiŋ ko fintoŋo, aniŋ karoo bee naata wulee ko yeloo.

Matiyu 2:2

Ì ko, “Yahuudoolu la mansakewo meŋ wuluuta, a be mintoo le? Ŋà a la looloo je tiliboo la le, aduŋ ǹ naata le ka a batu.”

Esekiyeli 46:1

Maarii Yaawe ye ñiŋ ne fo ko: “Konoto luwo dundaŋ daa, meŋ ñaa be tilindiŋ tiliboo la, a ñanta soroŋ na le ka bo lookuŋo tili foloo la ka taa fo a tili wooronjaŋo la. Bari tili woorowulanjaŋo la, meŋ mu Loobula Luŋo ti, a ñanta yele la le. Kari Kuta Juurali* luŋo fanaa, a ñanta yele la le.

Yeremiya 33:25

Bari nte Yaawe ye ñiŋ ne fo ko: N te n koo dii la n na moolu la kotenke, ko n te luwaalu faliŋ na ñaameŋ suutoo niŋ tiloo taamañaa kaŋo be looriŋ mennu kaŋ, aniŋ saŋo niŋ bankoo.

Yuuba 25:5

Hani karoo faŋo la kuwo le maŋ faramansa Alla ñaa koto, sako looloolu si foori a fee.

1 Musa 9:13

Ŋa kullimaaroo ke tawaloolu bala. Ate le be ke la kambeŋo taamanseeroo ti n niŋ duniyaakono feŋolu teema.

Lankenemoo 8:12

Malaayika naaninjaŋo ye a la footaŋo fee. Wo ye tiloo la talaadaa sabanjaŋo maa, a niŋ karoo niŋ looloolu fanaa la talaadaa sabanjaŋo, fo ì la maloo la talaadaa sabanjaŋo naata dibi. Wo naata a tinna, tiloo niŋ suutoo la talaadaa sabanjaŋo keta diboo ti.

Luka 23:45

Tiloo dibita, aduŋ ridi baa meŋ tarata Alla Batudulaa Buŋo* kono, a farata teema.

Maaka 13:24

“Bari wo waatoo, koleyaa kuu baa koolaa, tiloo be dibi la le, aduŋ karoo te a la maloo dii la.

Esekiyeli 46:6

Ì ka Kari Kuta Juuraloo ke luŋo meŋ na, mansa la sadaa be ke la tuuraariŋo le ti ka bo koorewo kono, aniŋ saakotondiŋ wooro, aniŋ saakotoŋ baa kiliŋ, mennu bee maŋ sootaari soto.

Jabuuroolu 119:91

Feŋo bee be looriŋ i la kaŋo le kaŋ, ka naa bula bii la, kaatu ì bee be i la maroo le to.

Yuuba 25:3

Jumaa le si Alla la kelediŋ kafoolu yaatee noo? Jumaa le be jee, a la maloo buka futa meŋ ma?

Yuuba 3:9

A luŋo subaalooloolu ye dibi, a ye tara i yillaariŋ maloo la, bari a kana a soto fereŋ. A luŋo kana hani siiliŋo la boo je.

Lankenemoo 9:2

Tumoo meŋ na a ye dinka dambaloo ñiŋ bundaa yele, siisii baa bota naŋ jee ko fuuri baa ka siisiyo bo ñaameŋ. Wo siisiyo ye tiloo niŋ foñoo dibindi kut.

1 Musa 1:13

Wulaaroo niŋ soomandaa sotota, tili sabanjaŋ luŋo la.

1 Musa 1:15

aniŋ ì ye ke malafeŋolu ti saŋo bala ka mala duniyaa kono.” Aduŋ a keta wo le ñaama.

Jabuuroolu 150:1

Ali Yaawe* jayi. Ali Alla jayi a la Arijanoo kono, ali a jayi saŋ fatoo kono, a la tata baa.