1 Musa 1:11 - Mandinka Bible

¹¹ Bituŋ Alla kumata ko, “Fiifeŋolu ye faliŋ bankoo kaŋ duniyaa kono: Fiifeŋ siifaa-wo-siifaa mennu ye kesoolu soto, aniŋ yiroolu mennu ye kesoolu soto ì diŋolu kono.” Aduŋ a keta wo le ñaama.

1 Musa 1:11 ပူးပေါင်းရင်းမြစ်များ

Hiburunkoolu 6:7

Kaatu samaa ka siyaa bankoo meŋ kaŋ baake, a ka jiyo suusuu le, aniŋ a ka fiifeŋolu falindi moolu ye, a seneta mennu la kuwo kamma la, Alla ka neema wo bankoo ma le.

Jabuuroolu 147:8

A ka saŋo bala bee ke tawaloolu le ti, a ye sanjoo jindi naŋ bankoo kaŋ, a ye ñaamoo falindi konkoolu kaŋ.

1 Musa 1:29

Bituŋ Alla kumata ko, “Ali a juubee, ŋa siimaŋ kesoolu siifaa bee faliŋ ali ye duniyaa kono, aniŋ yiri-wo-yiri meŋ ka diŋ. Ñiŋ ne be ke la ali la domoroo ti.

1 Musa 2:9

Bankoo ñiŋ kaŋ, Yaawe Alla naata yiri ñiimaa siifaa bee falindi a kaŋ, ì niŋ ì diŋ diimaalu. Naakoo ñiŋ teema, yiroo doo le be looriŋ jee, meŋ ka baluwo dii, aniŋ yiroo doo fanaa, meŋ ka kuu jawoo niŋ kuu betoo londoo dii.

Maaka 4:28

Bankoo faŋo le ka fiifeŋ kesoolu falindi. Jamboo le foloo ka finti, bituŋ tinsoo si naa finti, kesoo si naa ke tinsoo bala.

Matiyu 6:30

Niŋ Alla ka kunkukono ñaamoolu feetoofata teŋ, mennu be baluuriŋ bii, saama ì ye fayi ka ì jani, fo a te alitolu feetoofata la ka tambi wolu la baŋ? Alitolu moo lanna dooyaariŋolu!

Yuuba 28:5

Bankoo kaŋ santo, wo ka fintindiri ke siimaŋ feŋolu le la, bari bankoo kono duuma, kuwolu ka yelema le komeŋ niŋ a keta niŋ dimbaa le la.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

1 Musa 2:5

fiifeŋ maŋ soto bankoo kaŋ ka faliŋ duniyaa kono. Yaawe Alla maŋ samaajiyo jindi naŋ duniyaa kono foloo. Hadamadiŋolu maŋ soto foloo ka senoo ke bankoo kaŋ.

Yankuba 3:12

Fo sooto suŋo si olifu* diŋolu diŋ noo baŋ, waraŋ fo sooto diŋolu ka kati wayini* yiroolu bala le? M baadiŋolu, ali ye ñiŋ loŋ ne ko, koojiyo be daameŋ, jiisewo te bo noo la jee to.

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Yeremiya 17:8

A maarii ka munta le ko, yiroo meŋ tututa woyoo daala, a ye a suloolu duŋ woyoo daala. A buka sila niŋ kandoo naata, aduŋ a jamboolu ka tu jambakereriŋ ne, a buka dewuŋ niŋ jaa keta saŋo meŋ na, aduŋ a buka i foño diŋo la.”

1 Musa 2:16

Bituŋ Yaawe Alla naata Adama yaamari ko, “I si yiridiŋo siifaa bee domo noo naakoo ñiŋ kono le.

1 Korintinkoolu 15:38

Alla le ka baloo dii a la ko a lafita a la ñaameŋ. Kese-wo-kese niŋ a fansuŋ muluŋo le mu, ko Alla lafita a la ñaameŋ nuŋ.

1 Musa 1:12

Wo le to bankoo naata fiifeŋolu siifaa-wo-siifaa soto, aniŋ yiroolu siifaa-wo-siifaa, mennu ka diŋ. Alla ye a je ko, a beteyaata le.

Yesaya 61:11

Saayiŋ m Maarii Yaawe be a ke la le, tiliŋo niŋ jayiroo ye naa bankoolu bee kaŋ, ko fiifeŋ kesoolu ka faliŋ naakoo kono ñaameŋ, aniŋ ko bankoo ka fiifeŋ mereŋo so semboo la ñaameŋ.