1 Musa 1:10 - Mandinka Bible

¹⁰ Alla ye dulaa jaaroo kumandi bankoo la. Bituŋ jiyolu mennu kafuta ñoo ma, a ye wolu kumandi fankaasoolu la. Alla ye a je ko, a beteyaata le.

1 Musa 1:10 ပူးပေါင်းရင်းမြစ်များ

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

Jabuuroolu 104:31

Allamaa Yaawe la kallankeeyaa* ye tu fo abadaa. Allamaa Yaawe ye tu seewooriŋ a la daaroo to.

1 Musa 1:4

Alla ye a je ko, maloo beteyaata le, bituŋ a ye maloo niŋ diboo bondi ñoo to.

Jabuuroolu 33:7

A ye baajiyo bee kafu dulaa kiliŋo le to, a ye fankaasoolu duumoo bee ke jiibuŋolu kono.

Jabuuroolu 95:5

A taa le mu fankaasoo ti, kaatu ate le ye a daa, aniŋ bankoo, a buloo ye meŋ daa.

Jabuuroolu 146:6

Ate le ye saŋo niŋ bankoo daa, aniŋ fankaasoo, ka taa feŋolu mennu bee be ì kono, aduŋ a ka tu tilindiŋ a la laahidoolu kaŋ ne fo abadaa.

Yunusa 1:9

A ye ì jaabi ko, “Nte mu Hiburunkoo* le ti, aduŋ n ka Yaawe batu le, Arijana Maariyo, meŋ ye baa niŋ bankoo daa.”