1 Mansoolu 8:36 - Mandinka Bible

³⁶ Bituŋ i si i lamoyi ka bo Arijana kono, aduŋ i si yamfa i la dookuulaalu la junuboo la, i la moolu Banisirayilankoolu. I si ì karandi ka taama kuu kendoo la, aduŋ i si sanjoo jindi naŋ bankoo kaŋ i ye meŋ dii i la moolu la ka ke ì la keetaafeŋo ti.

1 Mansoolu 8:36 ပူးပေါင်းရင်းမြစ်များ

Jabuuroolu 27:11

Yaawe, n karandi ka taama i la siloo la, aduŋ i si n samba sila koyiriŋo la, n jawoolu la kuwo kamma la.

1 Samuweli 12:23

N niŋ wo kuwo kewo teemoo ye jamfa ñoo la, ka junube kuwo ke Yaawe la, ka m foño ka duwaa ke ali ye. M be ali karandi la kuu kendoo niŋ sila tiliŋo le la.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Yeremiya 14:22

Banku koteŋ moolu la jalaŋ kenseŋ jumaa le si samaajiyo ke noo? Waraŋ fo saŋ fatoolu si jiyo ke noo ì faŋ ye baŋ? Fo a maŋ ke ite Yaawe, ǹ na Alla le ti? Ŋà ǹ jikoo loo ite le kaŋ, kaatu ite le ka ñiŋ kuwolu bee ke.”

Jabuuroolu 94:12

Barakoo be moo le ye ite Yaawe ka meŋ kuluu, aniŋ i ka meŋ karandi i la luwaa la.

1 Mansoolu 18:45

Bituŋ wo loo niŋ baroo teema, saŋo bee finta niŋ tawali fiŋolu la, foño baa wulita, aduŋ sanji baa ye a dati ka ke. Wo to le Ahabu seleta a la sareetoo kaŋ, a borita ka taa Yesireeli.

1 Mansoolu 18:1

Kabiriŋ waati jaŋ tambita, jaa sanji sabanjaŋo kono, Yaawe* la kumoo naata Eliya kaŋ ka a fo a ye ko, “Taa i faŋ yitandi Ahabu la, aduŋ m be sanjoo jindi la bankoo kaŋ ne.”

Matiyu 22:16

Bituŋ ì ye ì la taaliboolu kii a kaŋ, aniŋ Herodi la kafoo moo doolu, ka a fo a ye ko, “Karammoo, ŋà a loŋ ne ko, ite mu tooñaa moo le ti, aduŋ i ka Alla la siloo le karandi tooñaa kono. Moo-wo-moo le buka ite jenkendi noo, kaatu ite buka moo faasaa.

Mika 4:2

Banku jamaa moolu si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo* to, fo a si ǹ karandi a la siloolu la, fo ǹ si taama noo a la lafoo kaŋ.” Kaatu yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yeremiya 42:3

Yaawe i la Alla si a fo ǹ ye, ǹ ñanta taa la daameŋ, aniŋ ǹ ñanta meŋ ke la.”

Yesaya 35:8

Sila fanuŋ baa le be tara la jee. A be kumandi la sila jankuriŋo le la. Seneyaabaloolu te taa niŋ ñiŋ siloo la, a be ke la Alla la moolu le taa ti, hani toolewolu te fili la a siloo kaŋ.

Yesaya 30:21

Niŋ ali jenketa ka bo siloo kaŋ, bulubaa la waraŋ maraa la, ali tuloo be a kumakaŋo moyi la ali kooma le ko, “Ñiŋ ne mu siloo ti, ali taama niŋ a la.”

Jabuuroolu 143:8

Kali m moyirindi i la kanu bambaloo la fanoo la ke tumoo la, kaatu n jikoo be ite le kaŋ. Siloo yitandi n na, n ñanta taa la meŋ na, kaatu ŋa n sondomoo loo ite le kaŋ.

Jabuuroolu 119:33

Yaawe, n karandi ka i la luwaalu mutañaa loŋ, m be ì nooma la le fo labandulaa to.

Jabuuroolu 86:11

Yaawe, n karandi ka taama i la siloo la, fo n si soŋ i ma i la tooñaa kaŋ, i ye n sondomoo ke kiliŋ ti ka i too kuliyaa.

Jabuuroolu 68:9

Hee Alla, i ye samaajii fuumariŋo le jindi. I ye i la moolu la keetaabankoo murundi firiŋo kono le kabiriŋ a be koririŋ.

Jabuuroolu 32:8

Yaawe la kumakaŋo le mu ñiŋ ti ko, “M be i yaamari la le, ka a fo i ye i ñanta taa la siloo meŋ na. M be a yitandi la i la le i ñanta meŋ ke la, n ñaa ye tara i kaŋ.

Jabuuroolu 25:12

Moo-wo-moo ye Yaawe kuliyaa, a be siloo yitandi la a maarii la le, a ñanta ka taa meŋ na.

Jabuuroolu 25:8

Yaawe beteyaata le, aduŋ a tilinta, wo kamma la a ka junubelaalu karandi a la siloolu la le.

Jabuuroolu 5:8

Yaawe, ite tilinta le, n kanda, n jawoolu la kuwo kamma la, i la siloo walaŋ n ye.

1 Mansoolu 18:41

Bituŋ Eliya ko Ahabu ye ko, “Taa i ye domoroo ke, kaatu ŋa sanji baa maakaŋo moyi naŋ ne.”

Jabuuroolu 119:133

N na simfaañaalu kanta n kana boyi, ka bo niŋ i la yaamaroo la, aduŋ kana soŋ kuu jawoo ye m mara.

Jabuuroolu 68:10

I la moolu ye jee ke ì siidulaa ti le. Hee Alla, i la beteyaa kaŋ, i ye diiroo ke fentaŋolu la le.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.