1 Korintinkoolu 9:24 - Mandinka Bible

²⁴ Fo ali maŋ ñoodaŋ boroo la kuwo loŋ ko, borilaalu bee le ka bori, bari kiliŋ doroŋ ne ka kañeerifeŋo soto? Wo to, ali bori fo ali si a soto!

1 Korintinkoolu 9:24 ပူးပေါင်းရင်းမြစ်များ

Jabuuroolu 19:5

A ka finti naŋ a la buŋo kono le, komeŋ maañoo keemaa, komeŋ niŋ borilaa be i paree kaŋ ñooseeyaa boroo la.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Yeremiya 12:5

Yaawe ye jaabiroo ke ko: “Niŋ i niŋ moolu ye boroo ke, ì ye i korindi, i niŋ suwoolu si boroo ke noo baŋ? Niŋ i ka busandi kene fanuŋo to, silaŋ i be ke la sutoo kono ñaadii le Yoridani Boloŋ daala?

Hoseya 12:10

N diyaamuta annabiyomoolu ye, ŋa ì la jeroolu siyandi. Ka bo niŋ annabiyomoolu la, ŋa kuu jamaa misaali ali ye.

Roomankoolu 6:16

Fo ali maŋ a loŋ ko, niŋ ali ye ali faŋ dii feŋ-wo-feŋ na ka a la yaamaroolu muta, ali mu wo la joŋo le ti. Ali be ke la junuboo la joŋolu le ti, meŋ ka ali kenkeŋ saayaa kaŋ, waraŋ ali ye ke yaamari mutalaalu ti, meŋ ka ali kenkeŋ tiliŋo kaŋ.

1 Korintinkoolu 9:13

Fo ali maŋ a loŋ ko, moolu mennu ka dookuwo ke Alla Batudulaa kono, wolu ka ì la domoroo soto Alla Batudulaa le to baŋ? Aduŋ moolu mennu ka dookuwo ke sadaajanidulaa* to, fo wolu buka ì niyo soto suboo to, meŋ bota sadaa ti jee?

1 Korintinkoolu 9:23

Nte ka feŋo bee le ke kibaari betoo la kuwo kamma la, fo n si niyo soto a barakoo to.

1 Korintinkoolu 9:26

Wo kamma la, nte buka bori hamentaŋyaa kono, aduŋ m buka kurupeñe kenseŋolu fayi ko moo meŋ ka ì fayi foñoo kono,

Kalatiyankoolu 2:2

N taata jee yaamaroo le kaŋ, meŋ lankenemata n ye. Ŋa n na dookuwo la kuwo landi Yeesu la kafoo ñaatonkoolu ye suturoo kono ka ì kalamutandi, n ka Yeesu la kibaari betoo kawandi moolu ye ñaameŋ, mennu maŋ ke Yahuudoolu ti. Ŋa a saata ì ye le fo a si ke ñaa-wo-ñaa, n na dookuwo kana ke kuu kenseŋo ti.

Kalatiyankoolu 5:7

Ali ye a kata le nuŋ kendeke. Wo to saayiŋ, jumaa le ye ali bali ka soŋ tooñaa la?

Filipinkoolu 2:16

niŋ ali ye baluwo kumoo muta. Wo to le, Kiristu la naa luŋo la, m be kibiri noo la ali la kuwo to ko, n na boroo niŋ dookuwo ali ye, wolu maŋ ke kenseŋ ti.

Filipinkoolu 3:12

M maŋ a fo ko, nte futata wo tunkuŋo ma le fokabaŋ, bari nte ka tenteŋ boroo la m fankadaŋo bee le la ka kañeerifeŋo soto, Kiristu Yeesu ye n kañee a faŋo kaŋ meŋ ye.

Filipinkoolu 3:14

Nte ka ñori ñaato le ka ŋaaba wo tunkuŋo kaŋ, fo n si kañeerifeŋo soto, meŋ mu badaa-badaa baluwo ti, Alla ye n kumandi meŋ to ka bo niŋ Kiristu Yeesu la.

Kolosankoolu 2:18

Ali kana soŋ, moo-wo-moo ye ali daa bondi kañeerifeŋo ñoosaboo to. Wo moo siifaalu ka fantoorandoo le kummaayandi, a niŋ malaayika batoo, aduŋ ì ka kibiri ì la jeroolu la le. Ì la faŋ waroo tambita le, bari a maŋ daliila soto, kaatu a bee be dendiŋ ì la hadamadiŋyaa miiroolu le la.

Hiburunkoolu 12:1

Wo to, baawo ñiŋ seedoolu siyaabaata teŋ ne, ì ye m̀ murubeŋ ko minaayoo, ali ŋà ǹ na dunoo bee landi kara la, sako junuboo meŋ ka lafi m̀ muta la. Ali ŋà bori wakiiloo kono boroo la, meŋ be laariŋ ǹ ñaato.

Yankuba 1:12

Barakoo be moo le ye, meŋ ka wakiili kotoboroo la, kaatu wo koolaa a maarii be baluwo kañeerinaafoo soto la le, Alla ye meŋ laahidi moolu ye, mennu ye a kanu.

Lankenemoo 3:11

“Nte be naa le, a te mee la. I ye meŋ soto, wo muta niŋ i bulu fuloo la, fo moo-wo-moo kana i la kañeerinaafoo buusi i la.