1 Korintinkoolu 15:27 - Mandinka Bible

²⁷ Niŋ a be safeeriŋ ne ko, “Alla ye feŋolu bee ke a siŋo le koto,” a koyita le ko, ñiŋ kumoo maŋ Alla faŋo kafundi jee.

1 Korintinkoolu 15:27 ပူးပေါင်းရင်းမြစ်များ

Jabuuroolu 8:6

I ye a marandi i la daaroo bee kunna le, i ye feŋolu bee ke a koto,

Matiyu 28:18

Yeesu naata ì kaŋ, a diyaamuta ì ye ko, “Kaŋo bee diita nte le la, duniyaa niŋ Arijana.

Hiburunkoolu 2:8

I ye a ke maralilaa le ti feŋolu bee kunna ka wolu bee ke a siŋo koto.” Ñiŋ kumoo meŋ fota ko, “a ye a ke maralilaa le ti feŋolu bee kunna,” wo ye a yitandi le ko, feŋ te keriŋ, meŋ maŋ tara a la maraloo koto. Bari hani wo, ko a lonta ñaameŋ, m̀ buka feŋolu bee je a la maraloo koto foloo.

Matiyu 11:27

“M Faamaa ye kuwolu bee duŋ nte le bulu. Moo maŋ Dinkewo loŋ fo a Faamaa doroŋ, aniŋ moo maŋ Faamaa loŋ fo a Dinkewo doroŋ, aniŋ Dinkewo be moo meŋ tomboŋ na ka a londi a Faamaa la.

Efesusinkoolu 1:22

Alla ye feŋolu bee ke ate le siŋo koto, a ye ate le ke feŋolu bee kuntonkoo ti, a la kafoo ye.

Yohana 13:3

Yeesu ye a loŋ ne ko, a Faamaa ye kuwolu bee duŋ a buloo kono le, aduŋ ate bota naŋ Alla le yaa, aniŋ a be muru la jee le to.

Yohana 3:35

Faamaa ye a Dinkewo kanu le, aduŋ a ye feŋo bee duŋ ate le bulu.

1 Pita 3:22

Ate Yeesu taata Arijana kono le, aduŋ a be Alla bulubaa karoo le la. Malaayikoolu, kantiyolu niŋ sembetiyolu bee be a la maraloo le koto.

Lankenemoo 1:18

nte meŋ be baluuriŋ. M faata le nuŋ, bari a fele, m be baluuriŋ fo abadaa. Saayaa niŋ a la maralidulaa caaboolu be nte le bulu.

Hiburunkoolu 1:13

Bari malaayikoolu la karoo la, Alla nene ye a fo malaayika jumaa le ye ko: “Sii m bulubaa karoo la, fo ŋa i jawoolu ke i siŋo koto”?

Hiburunkoolu 10:12

Bari biriŋ Kiristu ye a faŋo dii junube kafarilaŋ sadaa ti, a ye a ke siiñaa kiliŋ doroŋ ne la. Bituŋ a siita Alla bulubaa karoo la,

Efesusinkoolu 1:20

a ye meŋ dookundi Kiristu kono timmarinke, kabiriŋ a ye a wulindi ka bo saayaa kono, aduŋ a naata a sindi a bulubaa karoo la Arijana kono.

Daniyeli 7:14

Wo le to a ye kaŋo dii a la, horomoo, aniŋ mansayaa semboo, ñiŋ kamma la banku-wo-banku, sii-wo-sii, aniŋ moolu bee si a batu. A la mansayaa semboo be tu la keriŋ ne fo abadaa, aduŋ a la mansabaayaa te baŋ na.