1 Korintinkoolu 14:31 - Mandinka Bible

³¹ Kaatu alitolu bee kiliŋ-kiliŋ naa si kiilaariyaa kumoo fo noo le fo ali bee si karaŋ, aniŋ ali bee ye wakiilindi.

1 Korintinkoolu 14:31 ပူးပေါင်းရင်းမြစ်များ

1 Tesalonikankoolu 5:14

Baadiŋolu, m̀ be ali wakiilindi la, ali si moolu dandalaa, mennu maŋ lafi dookuwo la. Ali jooteentuŋolu wakiilindi, ali ye moolu maakoyi mennu lamfuta, aduŋ ali si ke muñalaa ti moolu bee ye.

1 Tesalonikankoolu 5:11

Wo kamma la, ali ñoo sabarindi, ali ye ñoo bambandi, ko ali be a kaŋ ñaameŋ.

1 Tesalonikankoolu 4:18

Wo to ali ñoo sabarindi niŋ ñiŋ kumoolu la.

Efesusinkoolu 6:22

M be a kii kaŋ ali kaŋ ñiŋ daliiloo faŋo le kamma, fo ali si a loŋ, ntolu be ñaameŋ, aduŋ a si ali sondomoolu wakiilindi fanaa.

2 Korintinkoolu 1:4

Ate le ka ǹ sabarindi ǹ na toora kuwolu bee kono fo m̀ fanaa si doolu sabarindi noo, mennu be toora kuwolu kono. Ǹ ka ì sabarindi niŋ sabarindiroo le la, Alla ye m̀ faŋolu sabarindi meŋ na.

1 Korintinkoolu 14:35

Niŋ feŋ be jee, ì lafita meŋ loŋ na, ì si ì keemaalu ñininkaa noo suwo kono. Kaatu a mu malu kuwo le ti musoo ye, ka diyaamu ali la beŋo to.

1 Korintinkoolu 14:19

Bari Yeesu la kafoo kono, m be lafi la le ka kuma senuŋ luulu fo niŋ n hakiloo la ka moo doolu karandi, diina ka kuma wuli taŋ fo niŋ kaŋ koteŋolu la.

1 Korintinkoolu 14:3

Bari moo meŋ ka kiilaariyaa kumoo fo, wo ka diyaamu moolu le ye ka ì bambandi, ka ì wakiilindi, aniŋ ka ì sabarindi.

Roomankoolu 1:12

Wo le mu ñiŋ ti ko, n niŋ ali bee si ke ñoo wakiilindirilaa ti lannoo kono.

Kuma Kotoomaalu 9:9

Niŋ i ka moo ñaamendiŋo yaamari, a la ñaameŋo si lafaa kuu. Niŋ i ye moo tilindiŋo karandi, a si a lafaa a la londi ñiniŋo kaŋ.

Kuma Kotoomaalu 1:5

Ì ka kalamutari ke kuma kotoomaalu niŋ misaaloolu la le, aniŋ moo ñaamendiŋolu la kumoolu niŋ ì la mansaaloolu. Moo ñaamendiŋolu fanaa si ì lamoyi, fo ì si londi lafaa ì la karaŋo to, mennu ye kuwolu bo noo ñoo to, si yaamaroo soto.

1 Korintinkoolu 14:30

Aduŋ niŋ kumoo lankenemata moo doo ye, meŋ be siiriŋ jee, wo to diyaamulaa foloo ñanta i deyi la le.

1 Korintinkoolu 14:32

Kiilaariyaa kumafolaalu ka ì la soorifeŋo mara noo le, Nooroo ye meŋ dii ì la.

Kolosankoolu 2:2

N ka ñiŋ katoo ke le fo ì niyo si laa, aniŋ ì ye tara kambendiŋ ka ke kiliŋ ti kanoo kono, fo ì si fankoo bee soto, meŋ mu fahaamuroo ti dankeneyaa kono, aniŋ ì si Alla la kulloo loŋ meŋ mu Kiristu* ti.

1 Tesalonikankoolu 5:20

aduŋ ali kana jutu kiilaariyaa kumoolu la,