1 Korintinkoolu 10:26 - Mandinka Bible

²⁶ Kaatu “Bankoo mu Maariyo taa le ti, aniŋ feŋ-wo-feŋ be a kaŋ.”

1 Korintinkoolu 10:26 ပူးပေါင်းရင်းမြစ်များ

Jabuuroolu 24:1

Bankoo mu Yaawe* taa le ti, aniŋ feŋ-wo-feŋ be a kaŋ. Duniyaa bee mu a taa le ti, aniŋ moolu mennu bee be a kono.

2 Musa 19:5

Niŋ ali ye n horoma a ñaama, ka n na kambeŋo muta, ali be ke la m fansuŋ moolu le ti, m be mennu tomboŋ na ka bo bankoolu bee kono. Hani duniyaa bee keta n taa ti ñaa-wo-ñaa,

Jabuuroolu 50:12

Niŋ konkoo le ye m muta, n te alitolu kaniŋ na, kaatu duniyaa niŋ a konofeŋo bee mu nte le taa ti.

Yuuba 41:11

Jumaa le la juloo be nte la ka a joo? Feŋ-wo-feŋ be saŋo muumewo koto, a bee mu nte Alla le taa ti.

5 Musa 10:14

Ali la Alla le taa mu duniyaa niŋ a konokono feŋolu bee ti, fo ka taa saŋ fatoolu to.

1 Timoti 6:17

Moolu mennu fankata ñiŋ duniyaa kono, wolu dandalaa fo ì kana ì faŋ wara, waraŋ ka ì jikoo loo naafuloolu kaŋ, jiki te mennu la kuwo to. Wo noo to, ì si ì jikoo loo Alla kaŋ, meŋ ye ǹ na suuloolu bee topatoo siyaarinke ǹ na seewoo ye.

1 Korintinkoolu 10:28

Bari niŋ moo doo ko ali ye ko, “Ñiŋ diita jalaŋo le la,” ali kana a domo wo moo la kuwo kamma la, meŋ ye a fo ali ye. Ali kana a domo sondomoo la kuwo kamma la.

2 Musa 9:29

Musa ye a jaabi ko, “Niŋ m fintita saatewo kono, m be m buloolu wulindi la le, ŋa Yaawe daani. Sankumoo be i foño la le, aduŋ sambere te boyi la kotenke. Bituŋ i si a loŋ ko, duniyaa mu Yaawe le taa ti.

1 Timoti 4:4

Baawo Alla ye feŋ-wo-feŋ daa, wo beteyaata le. Wo to moo maŋ ñaŋ na balaŋ na feŋ na, bari a si a muta niŋ tenturoo la.