Roma 2:1 - TAFO AYO

¹ Endje wu oyo zœ nene, œɓœ, œdœ ɓœ kœdœ œɗe, á sœ kœwa ngbanga pa anga zœ. Gbambanœ nene, ɓœ kœsœ kœwa ngbanga pa uzu, ɓœ sœ ndje kœwa o'o ga tœ zœ dœ tœ zœ mbœrœ ɓœ sœ ndje awa bale œɓœ á ɓœ sœ kœwa ngbanga.

Roma 2:1 ပူးပေါင်းရင်းမြစ်များ

Roma 14:22

Œneke á ɓœ gbe adœke œ dœ ekperœ too ɔtshɔrœ, œ wu kolœ œɓœ dœ Ndjaba nœ zœ. Yanga nœ uzu á gbetshelœ nœ ye sœsœ kœwa ngbanga ga tœ ye nene.

Roma 2:2

Andaa a wusœ nœ adœke kœwa ngbanga nœ Ndjaba sœ kœmbœrœtœ ye lœ adja o'o mbœrœ azu á endje sœ kœmbœrœ mara œrœ ataa.

Roma 2:3

Yé œɓœ á ɓœ sœ kœpa adœke azu sœ kœmbœrœ ekperœ, andaa œɓœ ndje ɓœ sœ tœ kœmbœrœ awa bale, ɓœ gbe adœke Ndjaba œ wa ngbanga pa zœ nœ zœ nene a?

Roma 3:9

Atamœ o'o gaɗe dá a kpa kœpa a? Azœ dœ Ayuda, a ropa angbɨ azu dœ gaɗe e? Bale nene. Mœ yisœ nœ ngbɨ fœ 'e adœke, œdœ Ayuda œdœ angbɨ azu ndje, endje kɔ kœdœ akanga nœ ekperœ.

Roma 9:20

Kashe ɓœ kœdœ œɗe yekane á vwaratœ zœ tœ upu nœ Ndjaba a? Œɗe dá wu ɓalima lɔsú kœyu uzu á tshe mbœrœ she adœke: «Mbœrœ gaɗe á ɓœ mbœrœ mœ atake a?»

1 Koriti 4:5

Mbœrœ tœnœ ataa, 'e wawa ngbanga ga pa uzu utshu nœ lɔkɔ kœwa ngbanga nene. 'E kate adœke Gbozu na yeka. Œshe dá ma œneke kɔ á zatœ endje yiwa tœnœ œdœ gbetshelœ á sœ ɓa lɔsu azu ngbɨ ga ushu. Dœ tœnœ ataa, uzu dœ uzu œ gbɔ kœdonga osho nœ Ndjaba á kwatœ endje ga ndœ ye.

1 Koriti 7:16

Yé œɓœ dœ yashe, dœ mara gaɗe dá ɓœ she akɔ zœ a? Too œɓœ ndje dœ yakoshe, dœ mara gaɗe dá ɓœ she awo zœ a?

Jake 2:20

Ɓœ gugu dœ kœwusœrœ nene. Ɓœ yindœ nœ adœke mœ ma fœ ɓœ adœke kœyindœrœ á gugu dœ akwa nene sœ gbambanœ a?

Jake 4:11

Aaya, 'e papa ekpe o'o goro œsœ́ anga 'e nene. Uzu tsheneke á tshe kœpa ekpe o'o goro œsœ́ yanganœ too ndje á kœwa ngbanga pa yanganœ, œ sœ ɓata tshe pa ekpe o'o ga tœ awa akwa nœ Ndjaba too ndje tshe wa ngbanga pa nœ. Œdœ ɓœ kœwa ngbanga pa awa akwa, ɓœ kœdœ ayi kœwa ngbanga pa nœ kashe ɓœ dœ́dœ́ ayi kœza ga tœ akwa nene.