Kœwurœ 13:6 - TAFO AYO

⁶ Tshe te lima tœ kœgu œsœ́ Ndjaba mbœrœ kœgu œsœ́ ɨ'ɨrɨ ye œdœ osho á tshe sœ kœsœ tœnœ, dœ pe azu neke kɔ á endje sœ ɓa lafo.

Kœwurœ 13:6 ပူးပေါင်းရင်းမြစ်များ

Matie 12:34

Ukpulu ekpe ayakoro! Ɓata 'e kœdœ aekpe azu asœke, mara gaɗe dá 'e li kœpa ɔtshɔ o'o a? Gbambanœ nene, o'o á wuta lœ ama uzu to ɓa tœ lɔsu ye.

Matie 15:19

Gbambanœ nene, gbetshelœ nœ kœmbœrœ ekperœ to ɓa tœ lɔsu uzu, gbetshelœ ɓata: Kœwo azu, kœpara awo azu, kœmbœrœ angba budu, kœzɨ angba, kœpa ekpe o'o tœ upu nœ uzu dœ pe kœgu osho.

Roma 3:13

Tshadɔngɔrɔ endje sœ ɓata udu á kɔrɔ. Tima endje sœ tœ kœfara dœ azu, kongwa ama endje sú dœ gɨrɨshi yakoro.

Kolose 1:19

Gbambanœ nene, Ndjaba dœ tœ ye dá yi lima ndœ nœ adœke Kristu za angwa œne djigi.

Kolose 2:9

Gbambanœ nene, undu Ndjaba djigi sœ lœ Kristu;

Ebre 9:2

Yé gbanda tande sœ lima kpœtœmœ, ali tshakalanœ sœ tœ osho á ɨ'ɨrɨnœ kœdœ Œyerœ osho, á miinda dœ ndaba œdœ pe mapa á endje sœ kœto fœ Ndjaba sœ lœ nœ.

Ebre 9:24

Gbambanœ nene, œ dœ́dœ́ ɓa tœ œyerœ osho á uzu mbœrœ dœ kane, á azu tondœ nœ yeka á mbœrœ, dá Kristu li ga lœnœ nene, kashe adja ɓa lafo. Ɓa zœ dá tshe sœ kœmatœ ye ngɔngɔnœ asœ ɓa utshu Ndjaba mbœrœ azœ.

Kœwurœ 11:12

Aayi kœgbara o'onœ bisha asœmœ dji ɔgbɔ tshama uzu ɓa lafo kœpa fœ endje adœke: «'E ɔ ga mœ!» Endje ɔ ga lafo lœ ondoro tœ ala ayingba endje.

Kœwurœ 12:12

Mbœrœ tœnœ ataa, 'e sœ dœ yanga, tshalafo œdœ 'e kɔ á 'e sœ ɓa zœ! Kashe egerœ oyo sœ mbœrœ tshapa ɔshɔ œdœ mbœrœ egerœ ungu. Gbambanœ nene, djaboro jerœ ga ndœ 'e dœ egerœ ókó, mbœrœ á tshe wusœ nœ adœke lɔndɔ nœ œne sœpe teasho.»

Kœwurœ 15:5

Manda nœ, mœ wu Tepelo á anda tande nœ ayo nœ Ndjaba sœ lœnœ, œ kɔrɔ ɓa lafo.

Kœwurœ 18:20

Tshalafo, sœ dœ yanga mbœrœ ongbonœ á ndɨ asœmœ! 'E sœ dœ yanga, azu nœ Ndjaba, aayi avwa œdœ aayi kœgbara o'o! Gbambanœ nene, Ndjaba wa ngbanga ga pa egerœ ongbonœ mbœrœ ekperœ á tshe mbœrœ fœ 'e!

Kœwurœ 21:3

Mœ dji anga ɔgbɔ tshama kœto ɓa tœ ngande tshagbozu á sœ lima kœpa adœke: «Ngɔngɔ asœke osho kœsœ nœ Ndjaba sœ ɓa ugurutœ azu! Tshe sœ bala tœ œsœnœ awa bale dœ endje, yé endje dœ bala azu nœ ye. Ndjaba dœ tœ ye œ sœ awa bale dœ endje, tshe dœ bala Ndjaba nœ endje.

Kœwurœ 4:1

Manda nœ, mœ wu manda á kɔrɔ ɓa lafo. Mœ dji tshama á mœ dji lima utshunœ kœpa o'o fœ mœ dœ avwara ɓata luba adœke: «Ɔ ga mœ dœ́ mœ yisœ œneke kɔ á li adœke œ mbœrœtœ endje manda nœ, fœ ɓœ.»

Kœwurœ 4:4

Dji ɨndɨrɨ ngande tshagbozu, anga ngande tshagbozu sœ lima zazu bale dœ vana (24) á agbozu Ikrizia zazu bale dœ vana sœ lima ga panœ. Endje verœ lima imbi lœba ga tœ endje yé œ verœ kpoto tshagbozu á endje mbœrœ dœ ɔrœ ga tœ kumu endje.

Kœwurœ 5:13

Mœ dji tshama œrœ kɔ á Ndjaba mbœrœ ɓa lafo, dœ œneke á tshe mbœrœ pa ɔshɔ, dœ œnœ tshabudu ɔshɔ, dœ œnœ tshalangu. Œrœ para á sœ zœ pa tshapashɔ, sœ lima kœɓi itshi adœke: «Mbœrœ uzunœ á tshe sœ ga pa ngande tshagbozunœ œdœ aya Patanœ asœmœ, kaka kœdonga osho, kœlɨsœtœ, mokɔ œdœ tshagbozu sœ fœ she waa dœ waa.»

Kœwurœ 7:15

Mbœrœ tœnœ dá endje sœ kœka ɓa utshu ngande tshagbozu nœ Ndjaba, yeka á sœ kœmbœrœ akwa fœ she butshɔ dœ ɔlɔ ɓa lœ anda Tepelo nœ ye. Yé tsheneke á tshe sœ ga pa ngande tshagbozunœ nœ Ndjaba asœmœ, tshe gbɔ bala ndœ endje.

Kœwurœ 7:9

Manda œneke asœmœ, mœ mesho yé œ kpa wu ukpulu azu ndjoro á uzu bale lili kœdɨ endje nene. Endje to lima lœ ogo kɔ, lœ mara kɔ, lœ azu ogo kɔ œdœ lœ o'o ama ogo kɔ. Endje ka lima ga utshu ngande tshagbozunœ œdœ ɓa utshu aya Patanœ, endje verœ imbi rɔbe ga tœ endje yé œ ko kako ngima ga tshakane endje.