Ebre 5:8 - TAFO AYO

⁸ Ataa œshe kœdœ lima Gbolo nœ Ndjaba gbaa, tshe wusœ kœlɨsœ Ndjaba lœ awa nœ œrœ kanga nœ ye kɔ á tshe wu.

Ebre 5:8 ပူးပေါင်းရင်းမြစ်များ

Matie 3:15

Kashe Yisu gi fœ she adœke: «Yindœ nœ adœke œ mbœrœtœ ye ngɔngɔnœ asœke ataa. Gbambanœ nene, mara á li adœke a mbœrœ œrœ á sœ ndjii dœmœ.» Yé Yowane kœyindœ nœ ye.

Filipo 2:8

Tshe za lima tœ ye ga atɨ yé œ za o'o ama Ndjaba ga tœ akwa lœ œrœ kɔ á tshe mbœrœ œrrr ga tœ kuzu, adja kuzu ɓa pa kurushi.

Ebre 1:2

yé ngɔngɔ tœ ndɔngɔlɔ oshonœ asœke á a sœ lœ nœ, tshe pa o'o fœ azœ lœ awa nœ Gbolo á tshe za she kœsœ tœ ayengɔ œrœ kɔ, lœ awa nœ ye ndje dá tshe mbœrœ tshapashɔ.

Ebre 1:5

Atamœ, Ndjaba papa fœ anga andjelu nœ ye bale nene adœke: «Ɓœ kœdœ Gbolo nœ mœ, yé kœto kpesheke, œmœ kœdœ Aba zœ.» Yé tshe papa ndje o'o tœ upu nœ anga andjelu bale nene adœke: «Mœ dœ bala Abanœ, yé tshe dœ bala Gbolo nœ mœ.»

Ebre 1:8

Kashe tœ upu nœ Gbolo, tshe pa adœke: «Uu Ndjaba, ngande tshagbozu nœ zœ sœ waa dœ waa. Ɓœ sœ kœmbœrœ akwa tshagbozu nœ zœ dœ mara á sœ ndjii.

Ebre 3:6

Kashe Kristu zatœ ye kœmbœrœ akwa dœ lɔsu ye bale ɓata Gbolo, yé Ndjaba za she ga tœ kumu akwa lœ anda nœ ye. Anda nœ ye kœdœ azœ œdœ a kœsœpe kolœ kœyindœ nœ yé á sœ kœko lɔsu azœ ga tœ œrœ á a sœ kœkate kœgbɔ tœnœ dœ yanga.