2 Timote 1:6 - TAFO AYO

⁶ Mbœrœ tœnœ ataa, mœ za o'o fœ ɓœ adœke ɓœ mbœrœ adœke, gbɔgbɔ á Ndjaba za fœ ɓœ ndœ kœmbœrœ dœ akwa pe dœ lɔkɔ á mœ to lima kane mœ ga pa zœ asœmœ, kpa djedjerowa nene.

2 Timote 1:6 ပူးပေါင်းရင်းမြစ်များ

Akwa 19:6

Polo kœto kane ye ga pa endje, yé endje kœgbɔ Ɔtshɔ Ɨshirɨ. Endje tetœ kœpa tafo o'o ama ogo dœ pe kœmɨndœ o'o á to ɓa ndœ Ndjaba.

Akwa 6:6

Endje ma endje fœ aayi avwa yeka á endje za avwala, yé á to kane endje ga pa endje.

1 Timote 4:14

Kakatœ kœza gbɔgbɔ nœ Ɔtshɔ Ɨshirɨ á sœ lœ zœ ga tœ akwa nene. Tœ nœ kœdœ gbɔgbɔ á ɓœ gbɔ lima lɔkɔ kœgbara o'o tœ upu nœ zœ, á agbozu Ikrizia to lima kane endje ga pa zœ.

1 Timote 4:6

Œdœ ɓœ kœyisœ o'o asœ kɔ fœ aaya œdœ aayingɔ, ɓœ te bala ɔtshɔ ayi akwa nœ Yisu Kristu. Asœke œ ma adœke ɓœ te manda o'o nœ kœyindœrœ œdœ pe ɔtshɔrœ á endje yisœ nœ fœ ɓœ dœ ɔtshɔnœ.

2 Timote 2:14

Pa fœ azu, endje gbe dœ o'onœ asœke. Kpa pa fœ endje utshu Ndjaba adœke endje zazatœ endje ga tœ kœgbugburu tshelœ o'o gbambanœ á ádánœ gugu nene yé œ sœ kolœ kœndɨ azu á endje sœ kœdji tœnœ.

2 Timote 4:2

Mɨndœ o'o ama Ndjaba, mbœrœ ɔlɔ dœ ɔlɔ yé kaka tœnœ nene. Azu dji too endje dji nene, sœpe kœyisœ nœ. Yɔrɔ endje, za ala endje yé œ mɨ upu fœ endje. Mbœrœ œneke kɔ dœ ugu lɔsu lœ awa nœ kœyisœrœ nœ zœ.

Ebre 6:2

kœyisœrœ tœ upu nœ batisimu, tœ upu nœ kœto kane ga pa azu, tœ upu nœ kœshe lœ akuzu œdœ pe tœ upu nœ kœwa ngbanga nœ waa dœ waa.

2 Petro 1:12

Ádánœ ataa, mœ kpa katœ kœpandœ œrœnœ alœke fœ 'e nene, ataa 'e wu ɓalima sœ nœ yekane á shi gbɨ lœ adjapu á endje yisœ nœ fœ 'e asœmœ.

2 Petro 3:1

Aaya mœ á mœ yindœ 'e waa, asœke kpa kœdœ bisha mbeti á mœ su fœ 'e. Yé ɓala mbetinœ kɔ bibisha asœke, mœ su o'o tœ kœjo 'e tœ upu á 'e wu ɓa lima sœ nœ adœke 'e wuta dœ ɔtshɔ gbetshelœ.

Yuda 1:5

'E wusœ œneke kɔ á mœ yindœ kœpa fœ 'e dœ ɔtshɔnœ. 'E gbe dœ mara á Ndjaba she lima azu Israyele ɓa lœ ogo Ezipito, yé manda nœ tshe kpa wo lima endjeneke á endje vwara lima tœ endje tœ kœdji o'o ama ye.