Rɔm-je 11:36 - Ta lə Lubə Kunmindɨ kɨ́ Sigɨ

³⁶ Né-je lay ya ḭ rɔ-é-tɨ rəm, tò kɨ̀ takul-é rəm, ɓá to kɨ́ ꞌliə rəm. Kɔsgajɨ to kɨ́ liə ya sartagangɨ. Amḛn!

Rɔm-je 11:36 ပူးပေါင်းရင်းမြစ်များ

Matiye 6:13

ꞌIn̰ə-ji adɨ jꞌusɨ mḛḛ néna̰-tɨ al; Ngà ꞌɔr ji kɔgɨ ji Njèmḛḛndul-tɨ. Kdɔ kɔ̰ɓe, kɨ̀ tɔ́gɨ, kɨ̀ riɓa to kɨ́ lə-i ya sartagangɨ. Amḛn!”

Lukɨ 19:38

Dḛ ꞌpanè: «Kadɨ Lubə tɔr ndi-é dɔ ngar-tɨ kɨ́ njèree kɨ̀ ri ꞌƁaɓe, lapiya tò mḛḛ dɔra̰-tɨ, riɓa tò mḛḛ lo-je-tɨ kɨ́ taá nṵ.»

Lukɨ 2:14

Kɔsgajɨ kɨ́ dɔ Lubə-tɨ mḛḛ lo-je-tɨ kɨ́ taá nṵ ə lapiya tò dɔnangɨ-tɨ dɔ dow-je-tɨ kɨ́ Lubə ndigɨ-dé.

Kullə-jə lə Njékɔwkullə-je 17:28

Kdɔ takul-é ɓá jḛ jꞌisɨ-né kɨ̀ dɔ-ji taá rəm, jꞌɔdɨ-né rɔ-ji rəm, jꞌto-né dow-je rəm tin.» «Ta kinlé njénɔ̰ pa-je kɨ́ ná̰-je kɨ́ dan-si-tɨ kàrè ꞌpa tɔ ꞌpanè: “Jḛ kàrè jꞌto ngan-é tɔ.”»

Rɔm-je 16:27

Kadɨ Lubə kɨ́ ḛ ya kɨ̀ kár-é to njègosɨ lé, riɓa to ꞌliə kɨ̀ dɔ ɓal-ɓal kɨ̀ kəm rəbɨ kɨ́ rɔ Jeju Kristɨ-tɨ! Amḛn!

1 Kɔrḛntɨ-je 11:12

Kdɔtalə titɨ kɨ́ Lubə ɔr-né dené rɔ dingəm-tɨ lé, bè ya tɔ ə́ dené ojɨ-né dingəm tɔ; ə né-je lay ḭ rɔ Lubə-tɨ.

1 Kɔrḛntɨ-je 8:6

Ngà jə̰i rəmə, Lubə kɨ́ Bɔbɨ ra káre-rè, ḛ ɓá né-je lay ḭ rɔ-é-tɨ, ə kɨ̀ takul-é ɓá jə̰i jꞌisi-né; ə ꞌƁaɓe ra káre-rè, to Jeju Kristɨ, kɨ́ takul-é ɓá né-je lay tò-né rəm, ɓá jə̰i jꞌisi-né rəm tɔ.

Galatɨ-je 1:5

Kɔsgajɨ tò kɨ dɔ Lubə-tɨ kɨ̀ dɔ ɓal-ɓal! Amḛn!

Epɛjɨ-je 3:21

Kadɨ kɔsgajɨ tò kɨ dɔ-é-tɨ dan njékəwna̰-je-tɨ kɨ̀ takul Jeju Kristɨ rəm, dan dow-je-tɨ kɨ́ low kɨ̀ kɨ́ ngɔsnè ya lay rəm, ɓá kɨ̀ dɔ ɓal-ɓal rəm tɔ. Amḛn!

Pilipɨ-je 4:20

Riɓa to ꞌlə Bɔbɨ-ji Lubə ya kɨ̀ dɔ ɓal-ɓal. Amḛn!

1 Timote 1:17

Lubə kɨ́ to ngar kɨ̀ dɔ ɓal-ɓal, njèkoy al, Lubə kɨ́ dum koo kɨ̀ kəm, Lubə kɨ́ i ya kɨ́ kár-i-rè, riɓa kɨ̀ tɔ́gɨ to ꞌlə-i ya kɨ̀ dɔ ɓal-ɓal. Amḛn!

1 Timote 6:16

kɨ́ ḛ ya kɨ́ káre-rè ɓá to njèkoy al, njèkisɨ lo kɨ́ ndógɨ-tɨ kɨ́ dow asɨ kɔw-tɨ al, ḛ kɨ́ dow oo-é al rəm, ɓá dow à kasɨ koo-é al rəm lé, riɓa, kɨ̀ tɔ́gɨ kɨ́ tò sartagangɨ to ꞌliə! Amḛn!

2 Timote 4:18

ꞌƁaɓe à taa-m kilə-m taá ta né-je-tɨ kɨ́ majɨ al lay ya rəm, ɓá à kajɨ-m kdɔ kɔ̰ɓe liə kɨ́ dɔra̰-tɨ rəm tɔ. Kadɨ riɓa to ꞌliə ya kɨ̀ dɔ ɓal-ɓal! Amḛn!

Əbrə-je 13:21

adɨ asi rai né-je lay kɨ́ majɨ, kdɔ kadɨ ꞌrai-né mḛḛndigɨ liə; kadɨ ra kullə mḛḛ-ji-tɨ adɨ jꞌrai né-je kɨ́ nəl-é kɨ̀ takul Jeju Kristɨ, kɨ́ riɓa to ꞌliə ya kɨ̀ dɔ ɓal-ɓal! Amḛn!

Əbrə-je 2:10

Kdɔtalə Lubə kɨ́ to njèra né-je lay rəm, né-je lay to kɨ́ ꞌliə rəm, kɨ́ adɨ ngan-é-je n̰a̰ dꞌingə kɔsgajɨ rəm lé, tuwə kadɨ ḛ ra kɨ̀ Jeju kɨ́ to njirə kajɨ lə-dé lé, adɨ-é majɨ ɔr njutɨ kɨ̀ takul kɔ̰̀-je.

1 Piyər 4:11

Kinə dow à pa ta rəmə, kadɨ to ta-je kɨ́ ta Lubə-tɨ ya ɓane; ə kinə dow isɨ oo go dow-je rəmə, kadɨ oo go-dé kɨ̀ tɔ́gɨ kɨ́ Lubə adɨ-é tɔ. Bè kdɔ kadɨ né-je lay ya Lubə ingə kɔsgajɨ mḛḛ-é-tɨ kɨ̀ takul Jeju Kristɨ. Lubə lé, riɓa kɨ̀ tɔ́gɨ to ꞌliə kɨ̀ dɔ ɓal-ɓal. Amḛn!

1 Piyər 5:11

Ḛ ya tɔ́gɨ to ꞌliə kɨ̀ dɔ ɓal-ɓal! Amḛn!

2 Piyər 3:18

Ngà kadɨ ɔwi kɨ́ kete-kete mḛḛ ramajɨ-tɨ kɨ̀ mḛḛ gə ꞌƁaɓe-tɨ lə-ji kɨ́ to Njékajɨ-ji Jeju Kristɨ. Kadɨ riɓa tò kɨ liə kɨ́ ngɔsnè-tɨ kin rəm, ɓá sartagangɨ rəm tɔ! Amḛn!

Judɨ 1:25

to Lubə ya kɨ̀ kár-é, Njèkajɨ-ji kɨ̀ takul ꞌƁaɓe lə-ji Jeju Kristɨ. Low lə low-je rəm, ɓone bè kin rəm, ɓá kɨ̀ dɔ ɓal-ɓal rəm kin ya kadɨ kɔsgajɨ, kɨ̀ kɔ̰ɓe, kɨ̀ rɔnga̰, kɨ̀ tɔ́gɨ to kɨ́ liə! Amḛn!

Né-je kɨ́ ꞌtḛḛ kɨ̀ dɔ-é 19:1

Go né-je-tɨ kinlé, mꞌoo ndi dow ɓá dɔra̰-tɨ boy-boy titɨ ndi kosɨ dow-je kɨ́ n̰a̰ bè panè: Alleluya! Kajɨ, kɨ̀ riɓa, kɨ̀ tɔ́gɨ to kɨ́ lə Lubə lə-ji.

Né-je kɨ́ ꞌtḛḛ kɨ̀ dɔ-é 21:6

Təl a̰ dɔ-tɨ idə-m panè: Gin né-je gangɨ ngá! Ma̰ ɓá mꞌto Alpa kɨ̀ Omega, njètum gin né kɨ̀ njètɔl ta né. Dow kɨ́ kundə man ra-é lé, ma̰ mꞌa kadɨ-é man kḛnḛnḛ kɨ́ to man kiskəm lé a̰y kare ya.

Né-je kɨ́ ꞌtḛḛ kɨ̀ dɔ-é 7:10

Dḛ ꞌpa ta kɨ̀ ndi-dé kɨ́ boy-boy ꞌpanè: Lubə lə-ji kɨ́ isɨ dɔ kalikɔɓe-tɨ dḛ kɨ̀ Ngonbatɨ ɓá ꞌto njirə kajɨ lə dow-je.

Né-je kɨ́ ꞌtḛḛ kɨ̀ dɔ-é 7:12

ꞌpanè: Amḛn! Tɔ́y, kɨ̀ kɔsgajɨ, kɨ̀ gosɨ, kɨ̀ oiyo, kɨ̀ riɓa, kɨ̀ tɔ́gɨ, kɨ̀ rɔnga̰ to ꞌlə Lubə lə-ji kɨ́ njèkisɨ kɨ̀ dɔ ɓal-ɓal. Amḛn!