Né-je kɨ́ ꞌtḛḛ kɨ̀ dɔ-é 19:8 - Ta lə Lubə Kunmindɨ kɨ́ Sigɨ

⁸ Dꞌadɨ-é tarəbɨ kadɨ ulə kubɨ kɨ́ ndɔ̰y ngilingɨ-ngilingɨ, kɨ́ ndóle kə̰́y-kə̰̀y kɨ́ to kubɨ kɨ́ aa njay. Kdɔtalə kubɨ kɨ́ ndɔ̰y ngilingɨ-ngilingɨ lé tɔjɨ kullə ra-je kɨ́ njururu-njururu lə njékaa njay-je.

Né-je kɨ́ ꞌtḛḛ kɨ̀ dɔ-é 19:8 ပူးပေါင်းရင်းမြစ်များ

Matiye 17:2

Lo-é-tɨ nɔ̰ɔ̰ ya rɔ Jeju mbəl tò gay, adɨ takəm-é ɔ̰̀ njoy-njoy titɨ-na̰ kɨ̀ kàdɨ̀ bè. Kubɨ-je liə kàrè təl nda mbəy-mbəy titɨ-na̰ kɨ̀ londógɨ bè rəm tɔ.

Matiye 22:12

Beɓa ngar lé dəjɨ-é panè: Nam-m, ban ɓá ꞌree lo kin-tɨ nal kulə kubɨ-é rɔ-i-tɨ wa? Ngà dingəm lé tḛḛ ta-é ilə-é-tɨ al.

Markɨ 9:3

Kubɨ-je liə ndɔ̰y ngilingɨ-ngilingɨ, nda mbəy-mbəy ə to nda kɨ́ dow kɨ́ dɔnangɨ-tɨ nè kɨ́ à kasɨ ra né kadɨ nda bin ya goto.

Lukɨ 24:4

Lokɨ dꞌa̰ kɨ́ lo ta igɨ-dé sə́l ɓəy ya rəmə, dingəm-je joo kɨ́ dꞌulə kubɨ-je kɨ́ ndɔ̰y ngilingɨ-ngilingɨ rɔ-dé-tɨ ꞌtḛḛ sə-dé busɨ,

Kullə-jə lə Njékɔwkullə-je 1:10

Lokɨ dꞌa̰ dꞌoo go Jeju lo kɔw-é dɔra̰-tɨ ya ɓəy rəmə, dingəm-je joo kɨ́ ꞌtulə kubɨ kɨ́ nda rɔ-dé-tɨ ꞌtḛḛ

Rɔm-je 13:14

Ngà adi panjiyə ꞌƁaɓe Jeju Kristɨ ɓá tò rɔ-si-tɨ ə né-je kɨ́ dajɨ rɔ-si ra adɨ kəmnda-é isɨ ra-si kinlé, ɔwi go-tɨ al.

Rɔm-je 3:22

Kɔr kɨ́ Lubə ɔr ta dɔ dow-je-tɨ kɨ̀ takul kadmḛḛ Jeju Kristɨ kinlé tò kdɔ dow-je lay ya kɨ́ dꞌadɨ mḛḛ-dé.

Né-je kɨ́ ꞌtḛḛ kɨ̀ dɔ-é 15:4

ꞌƁaɓe, ná̰ ɓá à ɓəl-i al əse ná̰ ɓá à kɔsɨ gajɨ-i al wa? Kdɔ i ya kɨ̀ kár-i-rè ɓá aa njay-njay. Gin dow-je lay ya dꞌa ree kdɔ kɔsɨ dɔ-dé nangɨ nɔ̰̀-i-tɨ, kdɔtalə dow-je lay dꞌoo kɨ́ kullə ra-i-je tò njururu.

Né-je kɨ́ ꞌtḛḛ kɨ̀ dɔ-é 15:6

Malayka-je kɨ́ siri kɨ́ dꞌuwə kɔ̰̀-je kɨ́ gin siri ji-dé-tɨ lé, ꞌtḛḛ mḛḛ kəy-tɨ lə Lubə kɨ̀ kubɨ kɨ́ nda mbəy-mbəy ə ndɔ̰y ngilingɨ-ngilingɨ rɔ-dé-tɨ rəm, ɓá ꞌdɔɔ ɓədɨ-dé kɨ̀ nda dɔɔ ɓədɨ kɨ́ ꞌra kɨ̀ lɔr rəm tɔ.

Né-je kɨ́ ꞌtḛḛ kɨ̀ dɔ-é 19:14

Njérɔ-je kɨ́ dɔra̰-tɨ dꞌulə kubɨ-je kɨ́ ndɔ̰y ngilingɨ-ngilingɨ, kɨ́ nda kɨ́ to kubɨ kɨ́ aa njay rɔ-dé-tɨ dꞌisɨ-né dɔ sində-je-tɨ kɨ́ nda-nda ɓá dꞌun-né go-é.

Né-je kɨ́ ꞌtḛḛ kɨ̀ dɔ-é 3:18

mꞌɔjɨ-i-né ta kadɨ ꞌree rɔ-m-tɨ ꞌndogɨ lɔr kɨ́ ꞌlḛḛ pərəə majɨ kin, kdɔ kadɨ ꞌtəl-né njènékingə rəm, kadɨ ꞌndogɨ kubɨ-je kɨ́ ndaá ulə rɔ-i-tɨ kadɨ kutɨ dum lə-i lé rɔsɔl-é goto rəm, kadɨ ꞌndogɨ kumə̰ kilə kəm-tɨ, kdɔ kadɨ ilə kəm-i-tɨ kadɨ oo lo majɨ.