1 Kɔrḛntɨ-je 4:9 - Ta lə Lubə Kunmindɨ kɨ́ Sigɨ

⁹ Kdɔ ma̰ mꞌoo tokɨ né kɨ́ jḛ kɨ́ jꞌto njékɔwkulə-je lé, Lubə adɨ-ji jꞌto sɔ̰y dow-je rəm, jꞌtitɨ-na̰ kɨ̀ dow-je kɨ́ ꞌgangɨ ta koy dɔ-dé-tɨ bè rəm, kdɔ jꞌto né koo lə dow-je kɨ́ dɔnangɨ-tɨ rəm, né koo lə malayka-je rəm, né koo lə dow-je rəm.

1 Kɔrḛntɨ-je 4:9 ပူးပေါင်းရင်းမြစ်များ

Kullə-jə lə Njékɔwkullə-je 19:29

Mḛḛ ɓebo-tɨ lay ya dow-je dꞌɔw dɔ-na̰-tɨ wúr-wùr ə dꞌungɨ-na̰ dɔ Gayusɨ-je-tɨ kɨ̀ Aristarkɨ kɨ́ ꞌto dow-je kɨ́ dɔnangɨ Maseduwan-tɨ, ꞌndɔr-dé dꞌɔw sə-dé kɨ mḛḛ kəy ra ndam-je-tɨ. Gayusɨ-je kɨ̀ Aristarkɨ lé ꞌto madkullə-je lə Pol.

Kullə-jə lə Njékɔwkullə-je 19:31

Nam Pol-je madɨ kɨ́ ꞌto dow-je kɨ́ boy-boy kàrè dꞌulə kulə dꞌidə-é, ꞌra-é kɔgri kadɨ ɔw kəy ra ndam-tɨ lé al.

Rɔm-je 8:36

Kdɔ ꞌndàngɨ ꞌpanè: Ta lə-i ɓá dꞌa̰-né ká tɔl-ji-tɨ kɨ̀ ndɔ-je lay. Dow-je ꞌra-ji tokɨ batɨ-je kɨ́ dꞌisɨ dꞌɔw sə-dé lo tɔl-dé-tɨ kin bè.

1 Kɔrḛntɨ-je 15:19

Kinə jꞌindəi mḛḛ-ji dɔ Kristɨ-tɨ kdɔ kisɨ kɨ̀ dɔ taá kɨ́ ɓone kin ya par rəmə, jə̰i ya kəm-ji tò ndoo itə dow-je lay.

2 Kɔrḛntɨ-je 11:23

Mꞌa pa ta titɨ dow kɨ́ dɔ-é nà̰y-tɨ bè. ꞌTo njérakullə-je lə Kristɨ rəmə, ma̰ mꞌto njèrakullə lə Kristɨ mꞌitə-dé, kdɔ kɨ́ kullə-tɨ kàrè, mꞌitə-dé n̰a̰ rəm; kɨ́ dangay kɨ́ ra-tɨ kàrè mꞌitə-dé n̰a̰ rəm; kɨ́ tində-tɨ kàrè dꞌoo né go-m-tɨ al rəm. Né-je kɨ́ asɨ koy ya tḛḛ dɔ-m-tɨ nja natɨ-natɨ rəm.

2 Kɔrḛntɨ-je 6:9

dꞌoo-ji titɨ dow-je kɨ́ ꞌgə-dé al bè, ngà ꞌgə-ji majɨ; dꞌoo-ji titɨ dow-je kɨ́ ꞌtò ta koy-tɨ bè, ngà kɨ rá jꞌisɨ kɨ̀ dɔ-ji taá tin; dꞌoo-ji titɨ dow-je kɨ́ ꞌgangɨ ta koy dɔ-dé-tɨ bè, ya ngà ꞌtɔl-ji al;

1 Tesalonikɨ-je 3:3

Kdɔ kadɨ kɔ̰̀-je kɨ́ isi ingəi kinlé ra dow káre dan-si-tɨ adɨ səbɨ ngin-ngin al; kdɔtalə sə̰i ya kàrè ꞌgəi ɓətɨ kɨ́ jə̰i lé jꞌisi kdɔ kadɨ kɔ̰̀-je kɨ́ bè kin ree dɔ-ji-tɨ ya.

Əbrə-je 1:14

Malayka-je lé, dḛ lay ya ꞌto ndil-je kɨ́ dꞌisɨ ꞌra kullə dꞌadɨ Lubə; dḛ ɓá Lubə ulə-dé adɨ ꞌra kullə kdɔ majɨ lə dḛ kɨ́ tò kadɨ dꞌingə kajɨ lé al wa?

Əbrə-je 10:33

adɨ kɨ́ madɨ-je dan kosɨ dow-je-tɨ ya dꞌulə rɔsɔl dɔ-si-tɨ rəm, dꞌadɨ-si kɔ̰̀-je kɨ́ gay-gay rəm, kɨ̀ ná̰-je ingəi kɔ̰̀ natɨ kɨ̀ dḛ kɨ́ dꞌingə ga̰ kɔ̰̀-je kɨ́ bè kin tɔ.

Əbrə-je 11:36

Dḛ kɨ́ madɨ-je ꞌsɔkɨ-dé rəm, dꞌində-dé kɨ̀ ndəy marɔw rəm, dꞌilə-dé sil rəm, ɓá dꞌungɨ-dé dangay-tɨ rəm