Zakarii 9:9 - Mbeti ti Nzapa - Tënë so amu fini

⁹ Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Zakarii 9:9 ပူးပေါင်းရင်းမြစ်များ

1 Agbia 1:38

Tongaso, wayango-sandaga Sadok, wayanga-Nzapa Natan na Benaya, molenge ti Yoyada, ala na azo ti Kereti na ti Peleti, aturugu ti batango gbia ague, abaa Salomon. Ala zia lo na ndö ti pâkârâ ti gbia David si ala gue na lo na li ti ngu ti Gihon.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 45:1

Bia ti azo ti Kore; bia so ayeke ndali ti makonzi-bia. A he ni na kundi. Bia ti fango ye na zo; bia ti yengo tere.

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 30:6

Nengo tënë na ndö ti anyama so ayeke na benyama ti Mbongo. Sese so azo ni ayeke hon daa ayeke sese ti vundu, sese ti ziango mbeto na be ti zo, sese so bamara na mama ti bamara, sioni ngbo nga na kota sioni nyama so akpa ngunde ayeke lango daa. Azo ni akanga akungba ti ala na amosoro ti ala na ndö ti alele nga na ndö ti azambala si ala yeke gue na ni na azo so alingbi ti sara nzoni ye oko na zo pepe.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 43:11

Mbi laa mbi yeke KOTA GBIA, gi mbi oko. Mbeni wasongo-zo nde ayeke daa pepe, gi mbi oko.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Ésaïe 52:7

So ayeke nzoni ye mingi ti baa zo so aga na nzoni tënë na li ti ahoto! Lo yeke fa tënë ti siriri, tënë ti nzoni dutingo ti zo nga na tënë ti songo zo na kuâ. Lo yeke tene na Jérusalem: “Nzapa ti mo ayeke le-gbia!”

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Ezekiel 21:32

Ayeke ti! Ayeke ti! Mbi yeke sara ande si Jérusalem ati! Fade gbata ti Jérusalem ayeke buba kue kue kue. Me ayeke buba kue pepe, ngbii zo so mbi mu na lo ngangu ti fâ ngbanga so aga si.”

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Mishe 4:8

Mo, hoto ti Sion, mo so mo yeke baa ndo na ndö ti azo tongana mbeni wabatango-taba so aluti na nduzu, fade mo yeke kiri ti wara komandema ti mo ti kozo. Jérusalem ayeke kiri ti ga kota gbata ti kodro ni.”

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Zakarii 2:10

So tënë ti yanga ti *KOTA GBIA laa: “Ala londo, ala londo ahon! Ala so mbi kangbi ala na ndangoro osio ti sese kue so, ala londo hio na sese ti Banga, ala hon! So tënë ti yanga ti KOTA GBIA laa.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 2:2

Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Marc 11:7

Ala ga na lele ni na Jésus. Ala zia kota bongo ti ala na ndö ti lele ni si Jésus ako, aduti na ndö ti lo.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

Awafango-ngbanga 10:4

Lo yeke na amolenge-koli baleota so ala kue ayeke tambula na ndö ti alele baleota. Ala yeke awa ti kodro baleota na sese ti Galaad. Azo adi iri ti akodro so Akete kodro ti Yair ngbii asi laso.