Zakarii 9:6 - Mbeti ti Nzapa - Tënë so amu fini

⁶ Gi amolenge so zo ahinga babâ ti ala pepe laa ayeke lango ande na Asdod. Nilaa KOTA GBIA atene: “Fade mbi yeke zi baba ti azo ti Filistii;

Zakarii 9:6 ပူးပေါင်းရင်းမြစ်များ

Zo ti bongbingo azo 6:2

Nzapa amu na mbeni zo mosoro, na aye mingi, azo ayeke ne lo, aye so kue lo sara nzara ni, lo wara ni. Me Nzapa azia lege na lo ti te ye ni pepe, mbeni zo nde laa ayeke te ni. Ye so nga ayeke gi senge senge; so ayeke sioni ye mingi.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 28:1

So mawa na gbata ti Samarii so akpa kpoto ti gbia! Azo ti Efraim so ayeke angbaa ti samba ayeke pika kate ti ala ndali ni. Gbata ni ayeke na nduzu ti popo-hoto so akobe ayeke le daa mingi. Gbata ni akpa kongo so awoko awe si a zia na li ti azo ti sara pendere ti ala, azo so anyon vin si ahon ndö ti ala.

Jérémie 47:1

Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Sofonii 2:10

Ye so ayeke si na ala ndali ti baba ti ala laa. Biani, ala zonga azo ti KOTA GBIA so ngangu ti lo ahon angangu kue, ala mu sese ti azo ti lo ti kono na sese ti ala.

Sofonii 2:4

Zo ayeke kiri ti ngba na ya ti gbata ti Gaza pepe, gbata ti Askalon ayeke ga ngonda; a yeke tumba azo ti Asdod gi na bekombite, a yeke gboto azo ti Ekron tongana ti so a yeke gboto pere na gunda ni kue.

Zakarii 9:5

Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.

Zakarii 9:7

mbi yeke zi na yanga ti ala anyama so mene angba daa; akobe so a mu na anzapa nde si aga sioni so, ala yeke kiri ti te ni pepe. Azo ti Filistii so angba, ala yeke ga ande azo ti mbi, mo baa mo tene, ala yeke fade tongana mbeni kete mara ti Juda. Azo ti Ekron ayeke li na popo ti azo ti mbi tongana ti so azo ti mara ti Yebus asara so.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”