Zakarii 9:5 - Mbeti ti Nzapa - Tënë so amu fini

⁵ Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.

Zakarii 9:5 ပူးပေါင်းရင်းမြစ်များ

Ésaïe 14:28

Na ngu so gbia Ahaz akui na ni, nengo tënë so asigigi, atene:

Jérémie 47:1

Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Joël 3:4

lâ ayeke ga vukongo ndo, nze ayeke ga bengba tongana mene. Na pekoni, fade *lango ti KOTA GBIA ayeke si, kota lango, lango so ayeke zia mbeto na be ti zo.”

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:8

Fade mbi yeke mingo makonzi ti Asdod, mbi yeke mingo lo so ayeke sara komandema na Askalon; mbi yeke kiri maboko ti mbi ti pika gbata ti Ekron si tanga ti azo ti mara ti Filistii ayeke kui”; tënë so Kota Gbia NZAPA atene laa.

Zakarii 9:4

Me fade KOTA GBIA ayeke mu aye ni so kue, lo yeke fâ gbagba ti gbata ni ti tuku na ya ti kota ngu-ingo; ti gbata ni, wâ ayeke gbi ni kue.

Zakarii 9:6

Gi amolenge so zo ahinga babâ ti ala pepe laa ayeke lango ande na Asdod. Nilaa KOTA GBIA atene: “Fade mbi yeke zi baba ti azo ti Filistii;

Awatokua 8:26

*Ange ti *Kota Gbia atene na Philippe: “Londo, mo gue na mbage ti Mbongo, na lege so alondo na Jérusalem azu ti gue na Gaza. Azo akiri ahon na lege ni so pepe.”

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.