Zakarii 9:4 - Mbeti ti Nzapa - Tënë so amu fini

⁴ Me fade KOTA GBIA ayeke mu aye ni so kue, lo yeke fâ gbagba ti gbata ni ti tuku na ya ti kota ngu-ingo; ti gbata ni, wâ ayeke gbi ni kue.

Zakarii 9:4 ပူးပေါင်းရင်းမြစ်များ

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Ésaïe 23:11

KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ezekiel 26:17

Ala yeke he bia ti totongo kuâ so na ndö ti mo, atene: ‘Ae! Tir, a buba mo awe! Mo, kota gbata so iri ti mo awu lani mingi so! Mo girisa na le ti kota ngu-ingo awe! Mo gbata so ngangu ti mo, na ngangu ti azo ti mo ayeke na le ti kota ngu-ingo; gbata so lani ayeke zia mbeto na be ti azo kue.

Ezekiel 28:16

Dengo buze ti mo so ague na nduzu apusu mo ti sara ngangu na azo, mo sara siokpari. Nilaa mbi tumba mo na ndö ti hoto ti mbi si mbi zia mo na popo ti asenge zo. Mo sheruben so mo yeke bata zo, mbi yeke tumba mo titene mo londo na popo ti atêne so ale ti wâ ayeke sigigi daa.

Ezekiel 28:18

Na lege ti dengo buze ti mo so ayeke na legeni pepe, na lege ti asiokpari mingi so mo sara, mo sara si ando so mo zia nde ndali ti anzapa ti mo aga sioni. Ndani laa, mbi yeke sara titene mbeni wâ asigigi na ya ti gbata ti mo ti gbi mo kue. Mbi yeke sara titene mo ga mburu ti wâ na le ti azo so ayeke baa mo.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:8

Ala yeke sara titene mo zu na ya ti du ti kuâ, mo yeke kui kuâ ti ngangu na be ti kota ngu-ingo.

Amos 1:10

Fade mbi yeke bi wâ na gbagba ti Tir si wâ ni ayeke gbi ayangbo ti gbata ni kue.”

Zakarii 9:5

Na bango aye ni so, mbeto ayeke sara azo ti gbata ti Askalon, azo ti gbata ti Gaza ayeke do na mbeto; azo ti Ekron ayeke do nga na mbeto, ngbanga ti so azo ti Tir ayeke kiri ti mu maboko na ala pepe. Gbia ayeke kiri ti duti na Gaza pepe si zo ayeke kiri ti lango na Askalon pepe.