Zakarii 9:2 - Mbeti ti Nzapa - Tënë so amu fini

² Tënë ni aluti nga na sese ti Hamat, nduru na gbata ti Damas, nga na agbata ti Tir na ti Sidon, agbata so ayeke na mayere mingi.

Zakarii 9:2 ပူးပေါင်းရင်းမြစ်များ

1 Agbia 17:9

“Londo, mo gue na gbata ti Sarepta, nduru na Sidon. Fade mo yeke duti kâ. Mbi mu yanga na mbeni wali-mua titene lo mu na mo kobe.”

2 Agbia 23:33

Faraon Neko agbu lo si abi lo na da ti kanga na Ribla, na sese ti Hamat titene lo kiri lo le-gbia na Jérusalem pepe. Faraon Neko agbu azo ti Juda na ngangu ti futa na lo lapo: kilo saki ota ti wen ti nginza, kilo baleota ti lôro.

2 Agbia 25:21

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a mu azo ti Juda ague na ala na kodro wande, yongoro na sese ti ala laa.

Jérémie 25:22

– agbia kue ti Tir, ti Sidon na ala ti sese so ayeke na mbeni mbage ti kota ngu-ingo;

Jérémie 47:4

ngbanga ti so lango titene ye kue abuba na ndo ti azo ti Filistii alingbi awe, lango ti zi na gbata ti Tir na ti Sidon zo so angba na fini si alingbi ti mu maboko na ala. Biani, KOTA GBIA abuba ye kue na ndo ti azo ti Filistii, so ti tene azo ti zoa ti Kaftor so angba na fini.

Jérémie 49:23

Tënë na ndö ti Damas. “Kamene ahon ndö ti azo ti agbata ti Hamat na ti Arpad, ngbanga ti so ala ma sioni sango si ala yeke gi be ti ala. Ala yeke do tongana kota ngu-ingo so alingbi ti duti kpoo pepe.

Ezekiel 27:1

Tënë ti *KOTA GBIA asi na mbi, atene:

Ezekiel 28:1

Tënë ti *KOTA GBIA asi na mbi, atene:

Ezekiel 28:12

“Molenge ti zo, mo he mbeni bia ti totongo kuâ na ndö ti gbia ti Tir. Mo tene na lo, mo tene: Tënë so Kota Gbia NZAPA atene ayeke so: ‘Mo yeke lani tapande ti azo so alingbi kue, mo yeke lani na ndara mingi, pendere ti mo alingbi kue.

Ezekiel 47:16

Na pekoni, ayeke hon na ya ti agbata ti Berota nga na ti Sibraim so ayeke na popo ti sese ti Damas nga na ti Hamat. Ti hunzi na ni, katikati ti sese ni ayeke hon na mbage ti Haser-Tikon so ayeke nduru na yanga ti sese ti Horan.

Amos 1:3

Tënë so *KOTA GBIA atene ayeke so: “Mbi yeke na tënë na azo ti Damas ndali ti asioni ye ota, wala osio so ala sara: ala fâ ya ti azo ti Galaad na wen ti dengo ya ti sese. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 6:14

Me ti mbi, fade mbi yeke tokua na tere ti ala, azo ti Israel, mbeni mara ti sara ngangu na ala, ti londo na Banga ti Lebo-Hamat ngbii asi na tere ti kota ngu ti Gba-ti-ingo, na mbage ti Mbongo; so tënë ti yanga ti KOTA GBIA, Nzapa so ayeke na ndö ti dunia kue laa.

Abdias 1:20

Azo ti Israel so a gbu ala na ngbaa ayeke ga tongana gba ti aturugu si ayeke mu sese so alondo na Kanaan ague ngbii asi na Sarepta. Azo ti Jérusalem so a gbu ala na ngbaa si a gue na ala na Sefarad ayeke mu agbata so ayeke na mbage ti Mbongo.

Wungo ti azo 13:21

Akoli ni ague, abembe ndo na ya ti kodro ni, ti londo na benyama ti Zin ngbii asi na Rehob, nduru na Lebo-Hamat.