Zakarii 9:14 - Mbeti ti Nzapa - Tënë so amu fini

¹⁴ Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.

Zakarii 9:14 ပူးပေါင်းရင်းမြစ်များ

Abia (Psaumes) 18:14

Na yayu kâ, KOTA GBIA asara si bekpa asungba; Nzapa so ayeke na yayu kâ na ndö ti aye kue asara si go ti lo atoto ngangu, apembe ti bekpa na ale ti wâ atuku kirikiri.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Zakarii 14:3

Na pekoni, fade KOTA GBIA ayeke londo ti tiri bira na amara so; lo yeke tiri na ala tongana ti so lo yeke sara lakue na ngoi ti bira.

Zakarii 2:5

Mbi yo le ti mbi na nduzu si na ya ti mbeni ye tongana bango-li, mbi kiri mbi baa mbeni koli so agbu kamba ti hakango na ye na maboko ti lo.

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Aye so Nzapa afa 6:2

Mbi baa ndo si mbi baa mbeni vuru mbarata. Zo so aduti na ndö ti lo agbu kokora na maboko ti lo; a mu na lo mbeni kpoto ti gbia, lo gue tongana walombe so ahon ndö ti azo na bira awe titene lo kiri lo hon ndö ti azo na bira.

Habakuk 3:11

Na dawa ti zango ti ale ti kokora ti mo nga na dawa ti zango le ti alikongo ti mo so ayeke hon hongo, lâ na nze aluti kpoo.

Ésaïe 30:30

KOTA GBIA ayeke sara titene azo ama go ti lo so ayeke toto ngangu, lo yeke sara titene azo abaa maboko ti lo so lo yo na nduzu ti pika na azo. Lo yeke fa sioni ngonzo ti lo na popo ti menga ti wâ so ayeke gbi ye kue, na popo ti kota ngu-Nzapa, nga na popo ti *apembe ti bekpa so atuku.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Zakarii 12:8

Na lango ni so, fade KOTA GBIA ayeke bata azo ti Jérusalem: azo so ayeke na popo ti ala si ayeke na ngangu pepe, ala yeke ga azo ti ngangu tongana David. Ahale ti David ayeke duti na le ti azo ni tongana Nzapa, tongana *ange ti KOTA GBIA so ayeke tambula na dawa ti ala.

Ésaïe 31:5

Tongana ti so ndeke ayeke zi ya ti *akpangi ti lo fade KOTA GBIA so ayeke na ndö ti dunia kue ayeke bata Jérusalem. Lo yeke bata lo si lo yeke zi lo, lo yeke kanga lege na kpale ti si na lo si lo yeke soo lo.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Habakuk 3:14

Mo koro li ti amakonzi ti awato ni taa na ale ti kokora ti ala wani. Lani awato ni aga na loro tongana kota pupu ti ngu-Nzapa ti tumba e. Ala yeke dekongo na ngia, mo baa mo tene, ala gbu zo awe si ala yeke gue ti te lo na hondengo ni.

Mbeti ti Job 37:9

Ngangu pupu alondo na mbage ti Mbongo si ayeke ga, de alondo na mbage ti Banga.

Abia (Psaumes) 18:15

Lo tokua ale ti kokora ti lo si awato akangbi kirikiri, lo tokua gba ti wâ ti bekpa si ala kpe kirikiri.