Zakarii 9:13 - Mbeti ti Nzapa - Tënë so amu fini

¹³ Fade mbi yeke mu Juda tongana kokora ti bira, Efraim ayeke duti tongana ale ti kokora ni. *Sion, fade mbi yeke tokua azo ti mo ti tiri bira na azo ti Grese. Mbi yeke mu azo ni tongana yongoro zeme ti ngangu zo ti bira.”

Zakarii 9:13 ပူးပေါင်းရင်းမြစ်များ

Abia (Psaumes) 144:1

Bia ti David. Mbi mu singila na *KOTA GBIA, Kota Têne so mbi luti na ndö ni ti bata tere ti mbi! Lo laa lo fa na mbi lege ti tiringo bira, lo leke mbi nzoni titene mbi hinga lege ti tiringo bira.

Abia (Psaumes) 149:6

Ala he bia na kota go ti sepela Nzapa, ala gbu na maboko ti ala yongoro zeme so yanga ni aza mbage na mbage!

Abia (Psaumes) 45:3

Mo yeke pendere mo hon akoli kue, mo yeke tene tënë pendere mingi. Ndani laa Nzapa asara tufa na ndö ti mo kpu na kpu.

Ésaïe 49:2

Lo sara si tënë ti yanga ti mbi aga tongana yongoro zeme so yanga ni aza mingi. Lo honde mbi na gbe ti de ti maboko ti lo. Lo sara si mbi ga tongana le ti kokora so yanga ni aza, lo honde mbi na ya ti bozo ti ale ti kokora ti lo.

Jérémie 51:20

“Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Abia ti demango tere 4:2

Anzoni molenge ti *Sion alingbi lani na ngere ti lôro ti nzoni ni. Nyen asara si ala kiri aga fadeso tongana ta ti sese so-oo? Nyen asara si ala ga tongana senge ta so wasarango-ta asara ni so-oo? Azo-oo, azo!

Amos 2:11

Na pekoni, mbi soro na popo ti amolenge ti ala ti koli ambeni zo ti ga awayanga-Nzapa; mbi soro na popo ti ala ambeni maseka-koli titene ala deba yanga ti ala ti mu tere ti ala kue na mbi. Ala azo ti Israel, mvene laa mbi tene so? – so tënë ti yanga ti KOTA GBIA laa.

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Efeze 6:17

Ala mu songo so Nzapa asoo ala tongana kpoto ti wen ti batango na li ti ala. Ala mu nga tënë ti Nzapa tongana yongoro zeme so Yingo amu na ala.

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:15

Mbeni yongoro zeme so yanga ni aza mingi alondo na yanga ti lo si ayeke sigigi. Na yongoro zeme ni laa, alingbi lo kinda azo ti amara nde. Fade lo yeke fa lege na ala na komandema ti ngangu; lo yeke do ale ti *vinye na ya ti du ti petengo na vin ti kota ngonzo ti Nzapa so ngangu ti lo ahon angangu kue.

Aye so Nzapa afa 19:21

A fâ aturugu ti ala kue na yongoro zeme so ayeke sigigi na yanga ti lo so ayeke na ndö ti mbarata ni; andeke kue ate kasa ti tere ti azo ni, ya ti ala asi.

Aye so Nzapa afa 2:12

“Su mbeti so, mo tokua na *ange so ayeke na li ti *Eglize ti gbata ti Pergame: “Lo so lo yeke na yongoro zeme so yanga ni aza mingi mbage na mbage, atene: