Zakarii 9:11 - Mbeti ti Nzapa - Tënë so amu fini

¹¹ *KOTA GBIA atene: “Ndali ti *mbuki so mbi na mo, e sara, na lege ti mene ti asandaga so, fade mbi yeke zi ambeni zo ti mo so akanga ala na ya ti du so ngu ayeke daa pepe.

Zakarii 9:11 ပူးပေါင်းရင်းမြစ်များ

2 Samuel 13:13

Mbi, mbi yeke zia kamene ni na ndo wa? Ti mo, mo yeke ga buba na sese ti Israel. Tongana ye ni ayeke tongaso, ayeke nzoni mo tene tënë ni na gbia si. Lo yeke ke pepe titene mbi ga wali ti mo.”

2 Mbai 7:17

Ti mo, tongana mo tambula na dawa ti mbi tongana ti so babâ ti mo David asara lani, tongana mo sara ye so kue alingbi na yanga so mbi mu na mo, tongana mo sara ye alingbi na andia ti mbi nga na aye so mbi fa,

Mbeti ti Job 33:30

Lo ye ti gboto fini ti zo na ya ti du ti kuâ, tongaso si lumiere ti fini ayeke za na ndö ti lo.

Abia (Psaumes) 30:3

KOTA GBIA, Nzapa ti mbi, mbi iri mo ti mu maboko na mbi si mo kai kobela na tere ti mbi.

Abia (Psaumes) 40:2

Mbi ku *KOTA GBIA na be ti mbi kue, lo ba tere ti lo na mbage ti mbi, lo ma toto ti mbi.

Abia (Psaumes) 69:33

Asenge zo ayeke baa ye ni si ala yeke duti na ngia: “Ala so ayeke gi Nzapa, ayeke nzoni ala te gigi aninga!

Sigingo 24:8

Moïse amu mene ni, lo fi na tere ti azo ni si lo tene: “So ayeke mene ti mbuki so Nzapa asara ndali ti ala laa; lo sara ni alingbi na atënë ti ndia so kue.”

Ésaïe 24:22

Fade a yeke bongbi ala tongana azo ti kanga ti zia ala na ya ti kota du. A yeke zia ala na da ti kanga. Lango mingi na pekoni, ala yeke fa peko ti ye so ala sara na le ti ngbanga.

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 49:9

Mbi tene na azo ti kanga: ‘Ala sigigi!’ Mbi tene na azo so aduti na ya ti vukongo ndo: ‘Ala sigigi, ala ga na ya ti lumiere!’ Ala yeke duti tongana ataba so ayeke te pere na tere ti lege, ala yeke wara kobe ti ala na ndö ti ahoto kue.

Ésaïe 51:14

Zo ti kanga so ye ahon ndö ti lo, fafadeso, a yeke zi lo; lo yeke kui na ya ti sururu ti lo pepe, kobe ayeke kiri ti tia lo pepe.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Jérémie 38:6

Tongaso ala mu Jérémie si ala bi lo na ya ti du ti ngu ti Malkia, molenge ti gbia. Du ti ngu ni ayeke na ya ti gbagba ti aturugu ti batango gbia. Ala zia lo na ya ti du ni na lege ti kamba. Na ya ti du ni, ngu ayeke daa pepe, gi potopoto. Nilaa Jérémie alinda na ya ti potopoto ni.

Daniel 2:29

Gbia, na ndembe so mo yeke na ndö ti gbogbo ti mo, mo gbu li ti mo na ndö ti aye so ayeke si gbanda. Lo so lo yeke fa nda ti aye ti ndima afa na mo awe ye so ayeke si gbanda.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Nzoni Tënë so Luc asu na mbeti 16:24

Lo dekongo, lo tene: ‘Babâ Abraham, baa mawa ti mbi! Tokua Lazare, lo yoro li ti maboko ti lo na ya ti ngu si lo zia na menga ti mbi, ngbanga ti so mbi yeke baa pasi mingi na le ti wâ.’

Nzoni Tënë so Luc asu na mbeti 22:20

So ala te kobe ni awe, lo mu nga kopo ti vin si lo tene: “Kopo so ayeke fini *mbuki na lege ti mene ti mbi, mene so atuku ndali ti ala.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

1 Korente 11:25

Na peko ti tengo kobe, lo mu kopo si lo kiri lo sara gi tongaso, lo tene: “Kopo so ayeke fini *mbuki na lege ti mene ti mbi. Lakue tongana ala yeke nyon ni, ala sara ye so ti dabe ti ala na mbi.”

Ndia ti fani use ni 5:31

Me ti mo, mo ngba ge na tere ti mbi. Fade mbi yeke fa na mo atënë ti yanga ti mbi kue, aye so ndia afa nga na atënë ti ndia so fade mo yeke fa ni na ala titene ala sara ye alingbi na ni na ya ti kodro so mbi yeke mu na ala titene aga ti ala.”

Ahebro 10:2

Azo so ayeke voro Nzapa, tongana a yeke sukula fade asioni ti ala gi fani oko biani biani, ka ala yeke baa tere ti ala tongana azo ti siokpari pepe si ala zia lege ti mungo sandaga awe.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Aye so Nzapa afa 20:3

Ange ni abi lo na ya ti kota du ni, lo kanga yanga ni si lo kpo *nzoroko na yanga ni titene nyama ni akiri awara lege ti handa amara pepe, ngbii ngu saki oko ni ahunzi si. Na pekoni, alingbi a zi lo ndali ti mbeni kete ngoi.