Zakarii 9:1 - Mbeti ti Nzapa - Tënë so amu fini

¹ Nengo tënë ti *KOTA GBIA. Tënë ti KOTA GBIA ague, asi na sese ti Hadrak, tënë ni ague, aluti na gbata ti Damas. Biani, le ti KOTA GBIA ayeke gi na ndö ti amara ti Israel oko pepe, me le ti lo ayeke nga na ndö ti azo kue.

Zakarii 9:1 ပူးပေါင်းရင်းမြစ်များ

Tongo nda ti aye 14:15

Lo kangbi ya ti azo ti lo ni titene ala kue atuku na ndö ti awato ti lo na bi. Lo hon ndö ti ala si lo tumba peko ti ala ngbii asi na Hoba so ayeke na mbage ti Banga ti Damas.

2 Mbai 20:12

Nzapa ti e, fade mo fâ ngbanga na li ti ala pepe? Na dawa ti gba ti aturugu so aga ti tiri bira na e so, e yeke na ngangu oko pepe, e hinga ye so e lingbi ti sara oko pepe. Me le ti e kue gi na ndö ti mo.”

Abia (Psaumes) 145:15

Le ti azo kue ayeke baa ndo gi na mo, ala kue azia be ti ala ti ku mo titene mo mu na ala kobe na ngoi so alingbi.

Abia (Psaumes) 25:15

Le ti mbi angba lakue na ndö ti KOTA GBIA. Biani, lo zi mbi na ya ti gbanda so agbu mbi.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 52:10

Na le ti amara nde kue, KOTA GBIA amu lege na maboko ti lo ti sara kua ti lo so ayeke nde si ayeke nzoni kue. Fade azo ti nda ti sese kue ayeke baa lege so Nzapa ti e ayeke soo e na kuâ.

Jérémie 16:19

*KOTA GBIA, mo yeke ngangu ti mbi, mo yeke tongana ngangu gbagba na tere ti mbi, mo yeke ndo so mbi kpe daa ti bata tere ti mbi na ngoi ti ye ti ngangu. Fade amara nde ayeke londo na nda ti sese kue ti ga na mbage ti mo. Ala yeke tene: “Ye so akotara ti e awara ti ga ye ti ala, ye ni ayeke gi ye ti mvene; mbeni senge buba ye so alingbi ti sara kua oko pepe.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Amos 1:9

Tënë so KOTA GBIA atene ayeke so: “Mbi yeke na tënë na azo ti Tir ndali ti asioni ye ota, wala osio so ala sara: ala gbu azo ti akete kodro si ala ka ala kue kue kue na azo ti mara ti Edom. Ala buba lege ti *mbuki ti ala na a-ita ti ala, azo ti Israel awe. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 3:12

Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Nahum 1:1

So ayeke nengo tënë ti wayanga-Nzapa na ndö ti kodro ti Ninive. So ayeke buku ti aye so asi na le ti Nahum, zo ti kodro ti Elkosh si lo baa ni na ya ti mbeni ye tongana bango-li.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Malashii 1:1

Nengo tënë. So tënë ti *KOTA GBIA so lo zia na yanga ti Malashii ti tene na azo ti Israel.