Zakarii 8:8 - Mbeti ti Nzapa - Tënë so amu fini

⁸ Fade mbi yeke kiri na ala si ala yeke duti na Jérusalem. Ala yeke duti azo ti mbi si mbi yeke duti Nzapa ti ala. Mbi yeke sara komandema na ndö ti ala na lege ti batango tënë ti yanga ti mbi na fango ngbanga ti mbirimbiri.”

Zakarii 8:8 ပူးပေါင်းရင်းမြစ်များ

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Jérémie 23:8

Me azo ni ayeke tene: ‘Na iri ti KOTA GBIA so ayeke na fini, lo so lo sara si ahale ti Israel asigigi na kodro ti mbage ti Banga nga na akodro so kue lo kangbi ando ala daa. Fade ala yeke kiri ti duti na ndö ti sese ti ala wani!’ ”

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 30:22

Fade ala yeke duti azo ti mbi si mbi yeke duti Nzapa ti ala.”

Jérémie 31:1

So tënë ti yanga ti *KOTA GBIA laa: “Na ngoi ni so, mbi yeke duti Nzapa ti asewa ti Israel kue; ala yeke duti azo ti mbi.”

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Ezekiel 11:20

Tongaso, fade ala yeke sara ye alingbi na aye so mbi fa nga na atënë ti andia ti mbi. Fade ala yeke duti azo ti mbi si mbi yeke duti Nzapa ti ala.

Ezekiel 36:28

Tongaso, fade ala yeke duti na sese so mbi mu ando na akotara ti ala; ala yeke duti azo ti mbi si mbi yeke duti Nzapa ti ala.

Ezekiel 36:33

“Tënë so mbi Kota Gbia NZAPA, mbi tene ayeke so: Na lango so mbi yeke *sukula asioni ti ala kue, mbi yeke sara titene azo akiri asi singo na ya ti agbata; aye so lani abuba, a yeke kiri ti leke ni.

Ezekiel 37:25

Ala yeke duti na sese so mbi mu na zo ti kua ti mbi Jacob, sese so akotara ti ala aduti ando daa. Ala yeke duti daa kpu na kpu, ala na amolenge ti ala, na amolenge ti amolenge ti ala. Fade David, zo ti kua ti mbi ayeke duti makonzi ti ala lakue lakue.

Ezekiel 37:27

Ndo ti dutingo ti mbi ayeke na popo ti ala; mbi yeke duti Nzapa ti ala si ala yeke duti azo ti mbi.

Osée 11:11

Ala yeke londo na Ezipte ti ga na dongo tere tongana akete ndeke; ala yeke londo na Asirii ti ga tongana ambipa. “Fade mbi yeke sara titene ala lango na ya ti kodro ti ala”; so tënë ti yanga ti KOTA GBIA laa.

Awayango-sandaga 26:12

Mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.

Zakarii 10:10

Mbi yeke zi ala na kodro ti Ezipte nga na kodro ti Asirii ti sigigi na ala, mbi yeke bongbi ala na ndo oko; mbi yeke sara si ala kiri na sese ti Galaad nga na sese ti Liban. Ataa so kue, ndo ayeke lingbi ala pepe.

Zakarii 10:6

Fade mbi yeke mu ngangu na azo ti Juda, mbi yeke soo azo ti Israel. Mbi yeke kiri na ala na kodro ti ala, ngbanga ti so mbi yeke baa mawa ti ala. Ala yeke duti tongana azo so, mo baa mo tene, mbi ke ala laoko pepe. Biani, mbi yeke KOTA GBIA, Nzapa ti ala, fade mbi yeke ma sambela ti ala.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.