Zakarii 8:4 - Mbeti ti Nzapa - Tënë so amu fini

⁴ Tënë so KOTA GBIA so ayeke na ndö ti dunia kue atene ayeke so: Fade ambakoro-koli na ambakoro-wali ayeke kiri ti duti na be ti gbata ti Jérusalem; zo oko oko ayeke gbu keke ti tambula na ni, ngbanga ti so ngu ti ala ahon mingi awe.

Zakarii 8:4 ပူးပေါင်းရင်းမြစ်များ

Mbeti ti Job 42:17

Job aga mbakoro, lo te gigi alingbi na lo si lo kui.

Mbeti ti Job 5:26

Mo yeke ngba na ngangu ngbii mo kui na ni; mo yeke ngba na ngangu tongana gba ti *ble so a kanga ni na ngoi ti fango ale ti kobe.

Sigingo 21:19

na pekoni tongana lo londo, lo sigigi ti tambula na keke, zo so apika mba ti lo so, fade a yeke sara sioni na lo pepe. Me fade lo yeke futa mbeni ye na mba ti lo ni alingbi na lango so mba ti lo ni asara na kua pepe so; fade lo yeke vo yoro na tere ti mba ti lo ni ngbii kobela ti lo akai.

Jérémie 31:13

Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Jérémie 31:24

“Tongaso, azo ti kete kodro na azo ti agbata ti Juda kue, ala na azo ti fango yaka na azo so ayeke fono na anyama ti ala ayeke sara kodro legeoko na ndo so.

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Ahebro 12:22

Me ti ala a-ita, ala ga nduru na hoto ti *Sion awe, gbata ti Nzapa, lo so lo yeke na fini. Gbata ni ayeke Jérusalem ti yayu so *a-ange kutu kutu abongbi tere ti ala daa ti sara matanga.

1 Samuel 2:31

Baa, lango titene mbi zi ngangu ti mo na ti azo ti kete mara ti mo kue aga nduru awe. Fade a yeke kiri ti wara mbeni mbakoro na ya ti sewa ti mo pepe.

1 Samuel 2:32

Mo yeke baa mbeni mba ti mo so ayeke duti na ya ti da ti Nzapa, lo yeke sara anzoni ye kue ndali ti azo ti Israel. Me na ya ti sewa ti mo, mbeni mbakoro ayeke duti daa oko pepe.