Zakarii 8:23 - Mbeti ti Nzapa - Tënë so amu fini

²³ Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Zakarii 8:23 ပူးပေါင်းရင်းမြစ်များ

Tongo nda ti aye 31:41

Mbi sara ngu baleuse na da ti mo; ngu baleoko na osio, mbi sara kua na mo ndali ti amolenge ti mo ti wali use so. Mbi sara kua ngu omene ti wara ataba na angasa. Me mo sanze futa ti mbi fani baleoko.

Tongo nda ti aye 31:7

Me babâ ti ala ahanda mbi; fani baleoko, lo sanze futa so lo lingbi fade ti mu na mbi. Me Nzapa azia na lo lege pepe titene lo sara sioni na mbi.

2 Agbia 2:6

Élie akiri atene na Élisée: “Mbi gbu gere ti mo, mo ngba na ndo so, ngbanga ti so KOTA GBIA atokua mbi na ngu ti Jourdain.” Élisée akiri tënë: “KOTA GBIA ayeke na fini! Mo nga, mo yeke na fini! Fade mbi yeke zia mo pepe!” Tongaso ala use kue amu lege ague.

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

2 Mbai 15:9

Mingi ti azo ti mara ti Efraim, ti Manase na ti Siméon akiri na peko ti Asa si ala duti na kodro ti lo. Ala baa so KOTA GBIA Nzapa ti lo ayeke na lo. Tongaso lo bongbi ala, ala na azo ti Juda na ti Benjamin kue.

Esther 8:17

Na kodro-sese oko oko wala na ya ti gbata oko oko so ndia ni wala mbela ni asi daa, be ti azuife kue asi singo na ngia, ala yeke dodo na ngia si ala yeke sara amatanga gbani gbani. Azo mingi ti ambeni kodro so abaa aye ni tongaso, kota mbeto agbu ala sara tere ti ala tongana azuife.

Mbeti ti Job 19:3

Fani baleoko laa ala zonga mbi so. Kamene asara ala ti sara pasi na mbi tongaso pepe?

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Ésaïe 3:6

Mbeni zo ayeke gbu ita ti lo na da ti babâ ti lo si atene na lo: “Mo laa kota bongo angba na mo; mo ga makonzi ti e ma! Aye so abuba awe so, mo duti komandema na ndö ni!”

Ésaïe 4:1

Na lango ni so, fade awali mbarambara ayeke gbu koli oko si ala tene na lo, atene: “E wani, e yeke gi kobe ti yanga ti e; e wani, e yeke vo bongo ti yungo ti e. Me e hunda gi ye oko: mo zia iri ti mo na ndö ti e ti zi kamene na le ti e.”

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 60:14

Amolenge ti azo so lani asara ngangu na mo, fade ala yeke ba li ti ala na sese si ala yeke ga na mbage ti mo; azo so lani abaa mo tongana mbumbuse zo, ala yeke ga ti kuku na gbe ti mo. Ala yeke iri mo: “Gbata ti KOTA GBIA”, “*Sion, gbata ti Nzapa ti Israel so ayeke nde si ayeke nzoni kue.”

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 66:18

*KOTA GBIA atene: “Mbi hinga ye so ala yeke sara nga na tënë ti be ti ala. Lango ni alingbi awe ti bongbi amara kue na azo ti ayanga ti kodro kue. Ala yeke ga ti baa gonda ti mbi.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Sofonii 3:19

Na ngoi ni so, fade mbi yeke sara sioni na azo so kue asara ngangu na ala. Azo so awara ka, fade mbi yeke kanga le ti ka ti ala; azo so a gbu ala, a gue na ala na kodro wande, mbi yeke kiri ti bongbi ala na ndo oko. Fade mbi yeke sara titene azo ane ala si iri ti ala awu, amu ya ti akodro so kue a zia lani kamene na le ti ala daa.

Wungo ti azo 14:22

Azo so abaa gonda ti mbi kue, ala baa aye ti kpene so mbi sara na Ezipte nga na ya ti benyama. Ala tara be ti mbi fani baleoko, ala ma yanga ti mbi pepe.

Nzoni Tënë so Luc asu na mbeti 8:44

Lo ga na mbage ti peko ti Jésus si lo ndu yanga ti bongo ti lo. Gi hio tongaso, kobela ti mene ni akai.

Awatokua 19:12

Nilaa azo ayeke mu abongo wala siriki so andu tere ti Paul, ala ga na ni na azo ti kobela si kobela ti azo ni akai, asioni yingo asigigi na ya ti ala.

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

Josué 8:35

Josué adiko atënë ti Ndia ti Moïse na dawa ti bongbi ti azo ti Israel kue, na awali, amolenge nga na awande so ayeke na popo ti ala; lo girisa mbeni tënë oko daa pepe.