Zakarii 8:22 - Mbeti ti Nzapa - Tënë so amu fini

²² Azo mingi na angangu mara ayeke ga na Jérusalem ti gi le ti KOTA GBIA so ayeke na ndö ti dunia kue, ala yeke ga nga ti voro lo.

Zakarii 8:22 ပူးပေါင်းရင်းမြစ်များ

Abia (Psaumes) 68:30

Na bango kota da ti mo so ayeke na ndö ti Jérusalem, fade agbia ayeke ga na mo akadoo.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 25:7

Na ndö ti hoto so, lo yeke zi bongo ti mua so akanga ndö ti azo kue, lo yeke zi nga bongo so a bi na ndö ti amara kue.

Ésaïe 49:22

Tënë so Kota Gbia NZAPA atene ayeke so: “Baa, mbi yeke sara maboko na amara nde, mbi yeke yo bendere na nduzu na mbage ti azo. Azo ni ayeke yo amolenge ti mo ti koli na ya ti maboko ti ala ti ga na ala, ala yeke yo amolenge ti mo ti wali na ndö ti go ti ala ti ga na ala.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 55:5

Mo Israel, fade mo yeke iri mara so mo hinga ni pepe; mara so ahinga mo pepe ayeke mu loro ti ga na mbage ti mo. Lo yeke ga ndali ti mbi KOTA GBIA, Nzapa ti mo, Nzapa ti Israel so ayeke nde si ayeke nzoni kue, lo so lo sara si mo wara gonda.”

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Mishe 4:3

Lo yeke fâ ngbanga na popo ti amara gbani gbani, lo yeke leke tënë na popo ti angangu mara, ngbii asi na ala so ayeke na yongoro ndo. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Aggée 2:7

Fade mbi yeke yingi amara kue si apendere ye ti ala ayeke ga ge gbani gbani. Fade mbi yeke sara titene gonda asi singo na ya ti kota da so; tënë so KOTA GBIA atene laa.

Zakarii 14:16

Ti londo na lango ni so, amara so atiri lani bira na azo ti Jérusalem si azo ni angba na fini so, na ya ti ngu oko oko, ala yeke gue na ya ti gbata ni ti voro KOTA GBIA so ayeke na ndö ti dunia kue si ala yeke sara matanga ti Akpangba.

Zakarii 8:21

Fade azo ti mbeni gbata ayeke tene na azo ti mbeni gbata nde, atene: ‘Ala ga, e gue, e voro KOTA GBIA, e gi le ti KOTA GBIA so ayeke na ndö ti dunia kue.’ Fade azo ni ayeke kiri tënë: ‘E nga, e yeke gue!’

Galasii 3:8

Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Aye so Nzapa afa 15:4

Kota Gbia, zo wa laa ayeke kpe mbeto ti mo pepe? Zo wa laa ayeke gonda iri ti mo pepe? Biani, gi mo oko laa mo yeke nde si mo yeke nzoni kue. Fade amara kue ayeke ga ti kuku na gbe ti mo, ndali ti so ala kue abaa fadeso lege so mo yeke fâ na ngbanga ti mo awe.”

Aye so Nzapa afa 21:24

Amara nde ayeke tambula na ya ti lumiere ti lo, agbia ti sese ayeke ga na amosoro ti ala na ya ni.