Zakarii 8:16 - Mbeti ti Nzapa - Tënë so amu fini

¹⁶ Aye so alingbi ala sara ni ayeke so: Zo oko oko atene taa-tënë na mba ti lo; na ya ti afango ngbanga ti ala, ala fâ ngbanga na lege ti taa-tënë si siriri aga.

Zakarii 8:16 ပူးပေါင်းရင်းမြစ်များ

Abia (Psaumes) 15:2

Zo so tambula ti lo alingbi kue, zo so sarango ye ti lo ayeke mbirimbiri si lo yeke tene taa-tënë alingbi na tënë so ayeke na be ti lo.

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Amato 12:17

Zo so ayeke tene taa-tënë, lo yeke zia lege na ye ti mbirimbiri; me zo so adu mvene na le ti ngbanga, lo yeke zia lege na tënë ti handa.

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Ezekiel 45:9

Tënë so Kota Gbia NZAPA atene ayeke so: “Ala amakonzi ti Israel, ala sara ye ni ahon ndoni awe! Ala zia ti sara ngangu na azo, ti nzi aye ti azo. Ala sara ye na legeni; ala fâ ngbanga mbirimbiri; ala zia ti mu ye ti azo ti mbi na ngangu. So tënë ti yanga ti Kota Gbia NZAPA laa.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Amos 5:24

Me ayeke nzoni fango ngbanga na lege ti ndia asua tongana ngu si fango ngbanga ti mbirimbiri asua tongana ngu so ayeke hole laoko pepe.

Mishe 6:12

Azo ti mosoro ti gbata ni ayeke sara gi ngangu na zo; azo ti gbata ni ayeke tene gi mvene. Tënë so ayeke sigigi na yanga ti ala ayeke gi tënë ti handango zo.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Zakarii 7:9

Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Zakarii 8:3

Tënë so KOTA GBIA atene ayeke so: Fade mbi yeke kiri ti ga na Sion, mbi yeke kiri ti duti taa na Jérusalem. Fade a yeke mu mbeni iri na Jérusalem, atene: ‘Gbata so abata tënë ti yanga ti Nzapa’ si a yeke mu nga iri na hoto ti KOTA GBIA so ayeke na ndö ti dunia kue, atene: ‘Hoto so ayeke nde si ayeke nzoni kue’.

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Efeze 4:17

Tongaso, na iri ti *Kota Gbia, mbi yeke tene tënë so biani na ala: ala kiri asara ye tongana ti azo ti amara nde pepe, ngbanga ti so atënë ti be ti azo ti amara nde ayeke buba ye.

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”