Zakarii 8:12 - Mbeti ti Nzapa - Tënë so amu fini

¹² Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Zakarii 8:12 ပူးပေါင်းရင်းမြစ်များ

Tongo nda ti aye 26:12

Isaac alu kobe na kodro ni si na ngu ni so, lo wara kobe fani ngbangbo oko ahon ti so lo lu, ngbanga ti so KOTA GBIA asara tufa na ndö ti lo.

Tongo nda ti aye 27:28

Ayeke nzoni Nzapa asara titene ngu alondo na nduzu azu na ndö ti sese ti mo si sese ti mo adu ale ti kobe mingi; lo mu na mo ale ti *ble na fini vin gbani gbani.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Abia (Psaumes) 85:12

Taa-tënë ayeke londo na sese ti ma na nduzu si mbirimbiri ayeke londo na yayu ti zu na sese.

Amato 19:12

Ngonzo ti gbia ayeke tongana toto ti bamara; me nzoni be ti lo ayeke tongana ngu ti ndö ti pere.

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Ésaïe 61:7

KOTA GBIA atene: “Na plase ti kamene so lani ahon ndö ti ala, fade ala yeke wara sese ti azo ni akono fani use. Na plase ti zongango ndo so azo azonga ala, ala yeke dodo na ngia, ngia ni ayeke ngba lakue lakue.

Jérémie 31:12

Fade ala yeke ga, ala yeke dekongo na ngia na ndö ti hoto ti *Sion; yanga ti ala ayeke na ngia ti wara anzoni ye so KOTA GBIA ayeke mu na ala: ble, fini vin, mafuta, ataba, angasa na abagara. Fini ti ala ayeke duti tongana yaka so a tuku ngu daa; ala yeke kiri ti woko pepe.

Ezekiel 34:28

Amara nde ayeke kiri ti nzi aye ti ala pepe, asioni nyama ayeke kiri ti te ala pepe. Ala yeke duti na siriri, zo oko ti zia mbeto na be ti ala ayeke daa pepe.

Ezekiel 36:12

Mbi yeke sara titene ala azo ti Israel, azo ti mbi atambula na ya ti kodro ni kue. Ala yeke mu sese ni ti ga ye ti ala, ayeke ga ye ti ala si ala ahoto, ala yeke kiri ti fâ amolenge ti azo ni pepe.

Ezekiel 36:30

Mbi yeke sara titene akeke ti ala na akobe ti yaka ti ala ale gbani gbani. Tongaso si kamene ayeke kiri ti sara ala pepe ndali ti nzara na popo ti amara nde.

Ezekiel 36:9

Biani, mbi yeke ga na mbage ti ala, mbi yeke kiri na mbage ti ala; azo ayeke kiri ti fâ yaka na ndö ti sese ti ala si ala lu kobe daa.

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Joël 2:19

Lo kiri tënë na azo ti lo, lo tene: “Baa, mbi yeke kiri ti mu na ala *ble, fini vin nga na nzoni mafuta. Ala yeke wara ni gbani gbani alingbi na ala. Mbi yeke kiri ti sara si amara nde azia kamene na le ti ala pepe.

Joël 2:22

Ala anyama ti ngonda, ala sara mbeto pepe; apere ti ngonda ayeke sigigi, akeke ayeke le, akeke ti fige na ayaka ti *vinye ayeke le mingi.

Awayango-sandaga 26:3

“Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Aggée 1:10

Ndani laa ngu-Nzapa ake ti pika si sese ake ti mu ale ti kobe.

Aggée 2:18

Ala gbu li ti ala nzoni na aye so ayeke si, ti londo laso ti gue na ni. Laso, na lango baleuse na osio ti nze gumbaya ni si a zia gere ti kota da ti KOTA GBIA; be ti ala agirisa na ni pepe.

Aggée 2:19

Ale ti kobe angba na ya ti agogoro ti ala? Ataa keke ti vinye, keke ti fige, keke ti grenade nga na keke ti olive ale oko pepe. Ti londo laso ti gue na ni, mbi yeke sara tufa na ndö ti ala.”

Zakarii 8:6

Tënë so KOTA GBIA so ayeke na ndö ti dunia kue atene ayeke so: Tongana tanga ti azo ti Israel so angba abaa so ye ni alingbi ti si laoko pepe, ti mbi, mbi lingbi ti baa ye ni tongaso? – so tënë ti yanga ti KOTA GBIA so ayeke na ndö ti dunia kue laa.

Malashii 3:11

Fade mbi yeke kanga lege na akete nyama so ayeke te akobe ti yaka ti ala titene anyama ni abuba akobe ti ala pepe; mbi yeke kanga lege si akeke ti *vinye ti ala so ayeke le pepe so, akiri ale. Tënë so KOTA GBIA so ayeke na ndö ti dunia kue atene laa.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

1 Korente 3:21

Ndani laa, ayeke nzoni zo oko apika kate ti lo ndali ti mbeni zo pepe, ngbanga ti so ye kue ayeke ti ala, a-ita:

Ndia ti fani use ni 32:2

Ayeke nzoni atënë so mbi yeke fa asua tongana ngu-Nzapa, ayeke nzoni atënë ti mbi ni atuku tongana ngu ti pere na ndö ti pere.

Ndia ti fani use ni 33:13

Ndali ti mara ti Joseph, Moïse atene: “KOTA GBIA asara tufa na ndö ti sese ti azo ti mara ni; sese ni awara ngu ti pere so alondo na yayu, na ngu so alondo na gbe ti sese yongoro si asigigi.

Ndia ti fani use ni 33:28

Azo ti Israel aduti na siriri; *ahale ti Jacob aduti nde na ya ti mbeni kodro so ale ti kobe na fini vin ayeke daa, ngu ti pere alondo na yayu si ayeke ti na ndö ni.

Jacques 3:18

Azo so aye siriri, ala yeke sara si azo so ayeke nduru na ala aduti na siriri; sarango ye ti ala akpa lungo ale ti kobe, lengo ni so ala yeke ko ayeke sarango ye ti mbirimbiri.