Zakarii 8:10 - Mbeti ti Nzapa - Tënë so amu fini

¹⁰ Kozoni, zo ayeke wara futa ti kua ti lo pepe, nyama ayeke wara nga futa ti kua ti lo pepe. Ndali ti awato, azo alingbi ti fono na siriri pepe. Biani, mbi zia zo oko oko ti tiri na mba ti lo.

Zakarii 8:10 ပူးပေါင်းရင်းမြစ်များ

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Amos 9:4

Tongana awato ti ala agbu ala ague na ala na kodro wande, kâ, mbi yeke mu yanga si a fâ ala kue. Le ti mbi ayeke ngba na ndö ti ala, mbi yeke sara sioni na ala, me mbi yeke sara nzoni na ala pepe.”

Aggée 2:15

*KOTA GBIA akiri atene: “Fadeso, ala gbu li ti ala nzoni na aye so ayeke si, ti londo laso ti gue na ni. Kozo titene ala do atêne na ndoni na ndoni ti sara na kota da ti KOTA GBIA,

Awafango-ngbanga 5:11

Na tere ti adu ti ngu, ala ma go ti azo ti kangbingo ngu. Kâ, ala yeke he bia ti gonda na Nzapa, ngbanga ti anzoni ye so lo sara na amakonzi ti Israel. Tongaso, azo ti KOTA GBIA azu na yanga ti gbata.