Zakarii 7:9 - Mbeti ti Nzapa - Tënë so amu fini

⁹ Tënë so KOTA GBIA so ayeke na ndö ti dunia kue atene ayeke so: “Ala fâ ngbanga ti azo na lege ti taa-tënë; ala ye tere na popo ti ala si zo oko oko asara nzoni be na mba ti lo.

Zakarii 7:9 ပူးပေါင်းရင်းမြစ်များ

2 Samuel 9:7

David atene na lo: “Sara mbeto pepe; ndali ti babâ ti mo Jonatan, mbi ye ti sara nzoni be na mo. Fade mbi yeke kiri na mo asese so kue ayeke ti ata ti mo Saul; fade mo yeke te kobe lakue na meza ti mbi.”

Mbeti ti Job 31:20

Andaa mbi mu na ala bongo ti sara si tere ti ala amu wâ, bongo so a sara ni na kua ti tere ti ataba ti mbi; si na pekoni, ala mu singila na mbi.

Mbeti ti Job 6:14

Zo so awoko kue, alingbi mba ti lo abaa mawa ti lo; tongaso pepe, zo ni ayeke ke ti kpe mbeto ti lo so ngangu ti lo ahon angangu kue.

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Jérémie 21:12

ala asewa ti David! Tënë so KOTA GBIA atene ayeke so: Lakue na ndaperere, ayeke nzoni ala fâ ngbanga mbirimbiri. Azo so ayeke te amba ti ala na mbana so, ala zi azo ni na maboko ti ala. Tongaso pepe, fade ngonzo ti mbi ayeke londo tongana wâ so ayeke gbi ye kue; zo alingbi ti mingo ni pepe. So ayeke futa ti asioni sarango ye ti ala laa.

Jérémie 22:3

Tënë so KOTA GBIA atene ayeke so: Ayeke nzoni ala sara ye mbirimbiri si ala baa lege ti fango ngbanga mbirimbiri. Ala zi azo so a yeke te ala na mbana na maboko ti azo so ayeke sara ngangu na azo. Awande, anyindu nga na awali-mua, ala sara pasi na ala pepe, ala sara ngangu na azo ni pepe. Azo so tënë ayeke na li ti ala pepe so, ala tuku mene ti ala na ndo so pepe!

Jérémie 7:23

Yanga so mbi mu na ala ayeke so: Ayeke nzoni ala ma yanga ti mbi, tongaso si mbi yeke duti Nzapa ti ala si ala yeke duti azo ti mbi. Ala tambula mbirimbiri na lege so mbi fa na ala si ala yeke duti nzoni.

Jérémie 7:5

Me ayeke nzoni, ala sara si lege ti dutingo ti ala na sarango ye ti ala aga nzoni: tongana azo use ague na ngbanga, alingbi ala fâ ngbanga ti azo ni na legeni;

Ezekiel 18:8

Tongana lo sara boon ti nginza na mbeni zo, lo yeke hunda mbeni nginza na ndö ni pepe, lo yeke gi ti wara ye na peko ni pepe; lo yeke yoro tere ti lo na ya ti ye ti kirikiri pepe, lo yeke fâ ya ti ngbanga na legeni.

Ezekiel 45:9

Tënë so Kota Gbia NZAPA atene ayeke so: “Ala amakonzi ti Israel, ala sara ye ni ahon ndoni awe! Ala zia ti sara ngangu na azo, ti nzi aye ti azo. Ala sara ye na legeni; ala fâ ngbanga mbirimbiri; ala zia ti mu ye ti azo ti mbi na ngangu. So tënë ti yanga ti Kota Gbia NZAPA laa.

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Awayango-sandaga 19:15

“Na le ti ngbanga, ala fâ ngbanga na legeni: ala mu mbage ti zo ti mawa pepe, ala mu nga mbage ti kota zo pepe; me ala fâ ngbanga ti amba ti ala mbirimbiri.

Amos 5:24

Me ayeke nzoni fango ngbanga na lege ti ndia asua tongana ngu si fango ngbanga ti mbirimbiri asua tongana ngu so ayeke hole laoko pepe.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Zakarii 7:7

Ando, KOTA GBIA azia mara ti atënë tongaso na yanga ti awayanga-Nzapa ti tene ni awe. Ala tene tënë ni na ngoi so Jérusalem na agbata so angoro ni ayeke na siriri si na sese ti mbage ti Mbongo nga na ti *Kodro-ti-gbeni, azo asi singo daa.

Zakarii 7:8

Tënë ti KOTA GBIA asi na Zakarii, atene:

Matthieu 23:23

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

Nzoni Tënë so Luc asu na mbeti 11:42

“Mawa na ala, afarizien! Ala yeke mu na Nzapa *dime ti akugbe ti kasa ti yaka ti ala, ataa akete kete ye ti yaka ti ala. Me ala girisa taa ye so Nzapa aye: dutingo mbirimbiri na azo nga na yengo Nzapa. Baa, ye so ala lingbi fade ti sara laa, me ala girisa nga tanga ni pepe.

Jean 7:24

Ala fâ ngbanga gi ndali ti le ti zo pepe, me ala fâ ngbanga so ayeke na legeni.”

Jean 7:51

“*Ndia ti e amu lege na e ti fâ ngbanga na li ti zo so ade e ma tënë ti lo pepe si ade e hinga ye so zo ni asara pepe?”

Ndia ti fani use ni 22:1

Moïse atene: Mbeni ye tongaso alingbi nga ti si: mbeni lâ, mo zo ti Israel, mo baa bagara, wala taba wala ngasa ti mba ti mo so agirisa si ayeke fono kirikiri, mo zia lo, mo hon pepe; me alingbi mo mu lo, mo kiri na lo na mba ti mo ni.